All posts by kapmi library

  • Home   /  
  • Articles posted by kapmi library
    • ( Page4 )

ಸಮಾಜದ ನೈರ್ಮಲ್ಯ ಮತ್ತು ಸ್ವಚ್ಛತೆಯನ್ನು ಕಾಪಾಡುವಲ್ಲಿ ಯುವಕರ ಪಾತ್ರ.

1 Comment on ಸಮಾಜದ ನೈರ್ಮಲ್ಯ ಮತ್ತು ಸ್ವಚ್ಛತೆಯನ್ನು ಕಾಪಾಡುವಲ್ಲಿ ಯುವಕರ ಪಾತ್ರ.

“ಯಾರನ್ನು ಅವರ ಕೊಳಕು ಪಾದಗಳಿಂದ ನನ್ನ ಮನಸ್ಸಿನಲ್ಲಿ ನಡೆಯಲು ಬಿಡುವುದಿಲ್ಲ”. ಇದು 20ನೇ ಶತಮಾನದ ಮಹಾ ಮಾನವತಾಪುರುಷನ ಮನದಾಳದ ಮಾತು ಸ್ವಚ್ಛತೆ ಮತ್ತು ನೈರ್ಮಲ್ಯಕ್ಕೆ ಅವರು ಕೊಟ್ಟ ಪ್ರಾಶಸ್ತ್ಯವೇನು? ಮಹತ್ವವೇನು? ಎಂಬುದಕ್ಕೆ ಕನ್ನಡಿ. ಅವರು ಮತ್ತಾರು ಅಲ್ಲ, ಅವರೇ ನಮ್ಮ ರಾಷ್ಟ್ರಪಿತ ಗಾಂಧೀಜಿ. ಸ್ವಾತಂತ್ರ್ಯಕ್ಕಿಂತ ನೈರ್ಮಲ್ಯ ಮುಖ್ಯ ಅದು ಜೀವನದ ಅವಿಭಾಜ್ಯ ಅಂಗ ಎಂದೇ ನಂಬಿದ್ದ ಮಹಾನ್ ಚೇತನ. ಸ್ವಚ್ಛತೆ ಮತ್ತು ನೈರ್ಮಲ್ಯವನ್ನು ಕಾಪಾಡುವಲ್ಲಿ ಯುವಶಕ್ತಿ ಎಂದು ಕರೆಸಿಕೊಳ್ಳುವ ಯುವಜನರ ಪಾತ್ರ ಬಹಳ ದೊಡ್ಡದು ಆಗ ಮಾತ್ರ ನನ್ನ ಭಾರತ ಮಹಾನ್ ಭಾರತವಾಗಲು ಸಾಧ್ಯ!!!..

ಸ್ವಚ್ಛತೆ ಮತ್ತು ನೈರ್ಮಲ್ಯತೆಯನ್ನು ಕಾಪಾಡುವಲ್ಲಿ ಯುವಕರ ಪಾತ್ರ ಏನು? ಎಂದು ತಿಳಿಯುವ ಮೊದಲು ಅವುಗಳ ಅರ್ಥವನ್ನು ನೋಡುವುದಾದರೆ ಸ್ವಚ್ಛತೆ ಎಂಬುದು ನಮ್ಮನ್ನು ಮತ್ತು ನಮ್ಮ ಸುತ್ತಲಿನ ಪರಿಸರವನ್ನು ಸ್ವಚ್ಛ ಮಾಡಬೇಕು ಎಂದು ಸೂಚಿಸಿದರೆ ನೈರ್ಮಲ್ಯತೆಯು ಆ ಸ್ವಚ್ಛತೆಯನ್ನ ಹೇಗೆ ಪ್ರತಿನಿತ್ಯವೂ ಕಾಪಾಡುವುದು ಅಥವಾ ಪ್ರತಿನಿತ್ಯ ಸ್ವಚ್ಛವಾಗಿರುವುದೇ ನೈರ್ಮಲ್ಯತೆ. ಸ್ವಚ್ಛತೆ ಮತ್ತು ನೈರ್ಮಲ್ಯತೆ ಒಂದೇ ನಾಣ್ಯದ ಎರಡು ಮುಖಗಳು.

ಸ್ವಚ್ಛತೆ ಮತ್ತು ನೈರ್ಮಲ್ಯ ಕಾಪಾಡುವುದು ಈಗ ಒಂದು ದೊಡ್ಡಸವಾಲಾಗಿದೆ . ಕೈಗಾರಿಕರಣ, ನಗರೀಕರಣ, ಔದ್ಯೋಗಿಕರಣ ಎಂಬ ಬೆನ್ನು ಬಿದ್ದ ನಾವು ಅಲೆಕ್ಸಾಂಡರ್ ಎಂಬಾತ ಕಂಡುಹಿಡಿದ ಪ್ಲಾಸ್ಟಿಕ್ ನ ಬಲೆಗೆ ಬಿದ್ದೆವು. ಅದು ಎಷ್ಟು ನಮ್ಮ ಬದುಕಿಗೆ ಜೊತೆ ಆಯ್ತು? ಎಂದು ಎಲ್ಲರಿಗೂ ಗೊತ್ತು. ಪ್ಲಾಸ್ಟಿಕ್ ಇಂದು ಪೆಡಂಭೂತದಂತೆ ನಮ್ಮ ಬೆನ್ನು ಹತ್ತಿದೆ. ಇದಕ್ಕೆ ಮುಕ್ತಿ ಕೊಡಲು ಒಂದೇ ಬಾರಿಗೆ ಸಾಧ್ಯವಿಲ್ಲ ಎಂಬುದು ಕಟುವಾದ ಸತ್ಯ. ಇದು ಅನೇಕ ರೀತಿಯ ಮಾಲಿನ್ಯಕ್ಕು ತನ್ನ ಕೊಡುಗೆಯನ್ನು ನೀಡಿದೆ. ಸಕಲರು ಸ್ವಲ್ಪ ಕ್ಷಣವು ಬಿಟ್ಟಿರಲಾರದ ‘ಗಾಳಿ’ , ನೂರು ಜನ ಪ್ರೀತಿ ಇಲ್ಲದೆ ಇರಬಹುದು ಆದರೆ ಒಬ್ಬರು ನೀರಿಲ್ಲದೆ ಇರಲಾರರು ಅಂತಹ ಪವಿತ್ರವಾದ ನೀರು ಇಂದು ಅಸ್ವಚ್ಛತೆಯಿಂದ ಇರುವುದು ಸಹಿಸಲಾಗದ ನೋವು .”ಜನನಕ್ಕೆ ಕಾರಣ ,ಜೀವನಕ್ಕೆ ಚೇತನವಾಗಿರುವ ಭೂಮಿಯು ಇಂದು ಅಸ್ವಚತೆ ಅನೈರ್ಮಲ್ಯಕರಣಕ್ಕೆ ತುತ್ತಾಗಿರುವುದು ವಿಪರ್ಯಾಸವೇ ಸರಿ!!! ಇವೆಲ್ಲವೂ ಮಾನವನ ಉತ್ತಮ ಸಮಾಜಕ್ಕೆ ಯಮವೇ ಎಂದು ಹೇಳಿದರೆ ತಪ್ಪಾಗಲಾರದು.

ಇ – ವೇಸ್ಟ್ ಕೂಡ ಈಗಿನ ಅಸ್ವಚ್ಛತೆಯ ಒಂದು ಭಾಗವಾಗಿದೆ. ಎಲ್ಲವೂ ಕೂಡ ತನ್ನ ಬೆರಳ ತುದಿಯಲ್ಲೇ ಆಗಬೇಕು ಎಂಬ ದುರಾಸೆಯ ಮಾನವ ತನ್ನ ಬುಡಕ್ಕೆ ತಾನೇ ಕೊಡಲಿ ಪೆಟ್ಟು ಹಾಕಿಕೊಳ್ಳುತ್ತಿದ್ದಾನೆ. ಇ- ವೆಸ್ಟ್ ಗಳಾದ ಮೊಬೈಲ್ಗಳ ಹಾಳಾದ ಪರಿಕರ ,ಕಂಪ್ಯೂಟರ್ಗಳ ಭಾಗ ಇತ್ಯಾದಿ. ಇವು ಮಣ್ಣಿನಲ್ಲಿ ಬೇಗ ಕರಗದ ವಸ್ತುಗಳಾಗಿರುವುದರಿಂದ ಅಸ್ವಚ್ಛತೆ ಅನೈರ್ಮಲ್ಯೀಕರಣಕ್ಕೆ ಕಾರಣವಾಗಿದೆ. ಇವು ಕೂಡ ಪರಿಸರಕ್ಕೆ ಕಂಟಕವೇ…..

ಇವನ್ನೆಲ್ಲ ತಡೆಗಟ್ಟಬೇಕೆಂದರೆ ಯುವ ಜನತೆ ಎಚ್ಚೆತ್ತುಕೊಳ್ಳಬೇಕು .”ಸ್ವಚ್ಚವಾದ, ನೈರ್ಮಲ್ಯವಾದ ,ಭಾರತವನ್ನು ಕಟ್ಟಲು ಇಟ್ಟಿಗೆ ಮಣ್ಣಿನಿಂದ ಸಾಧ್ಯವಿಲ್ಲ ಅದು ಸಾಧ್ಯವಾಗುವುದು ಬಿಸಿ ರಕ್ತ ಮಾಂಸಗಳಿಂದ ಕೂಡಿದ ಒಂದು ಬಲಿಷ್ಠ ಶಕ್ತಿ ಎಂದು ಕರೆಸಿಕೊಳ್ಳುವ ಯುವಕ ಯುವತಿಯರಿಂದ”. ಭಾರತದಂತಹ ರಾಷ್ಟ್ರಕಂತು ಇದು ಬಹು ಸುಲಭ ಇಡೀ ಜಗತ್ತಿಗೆ ಯುವಶಕ್ತಿಯನ್ನು ಪರಿಚಯಿಸಿದ, ಅತ್ಯಂತ ಬೃಹತ್ತಾದ ಯುವಶಕ್ತಿ ಹೊಂದಿರುವ ನಾವು ನಮ್ಮನ್ನು ಹೇಗೆ ಸ್ವಚ್ಛವಾಗಿರಿಸಿಕೊಳ್ಳುತ್ತೇವೆಯೋ ಹಾಗೆಯೇ ನಮ್ಮ ಸುತ್ತಲಿನ ಪರಿಸರವನ್ನು ಸ್ವಚ್ಛವಾಗಿ, ನೈರ್ಮಲ್ಯವಾಗಿ ಇಡಬೇಕು. ಪ್ರಕೃತಿಯ ಕೂಸಾಗಿರುವ ನಾವು ನಮ್ಮ ಅಮ್ಮನನ್ನು ನೋಡಿಕೊಳ್ಳುವ ರೀತಿಯಲ್ಲಿ ಪರಿಸರ ಅಂದರೆ ಸಮಾಜವನ್ನು ನೋಡಿಕೊಳ್ಳಬೇಕು. ಇದು ಜವಾಬ್ದಾರಿಯು ಹೌದು…. ಕರ್ತವ್ಯವೂ ಹೌದು….

ಸ್ವಚ್ಛತೆ ಮತ್ತು ನೈರ್ಮಲ್ಯ ಕಾಪಾಡಲು ಯುವಕರು ತಮ್ಮ ಪಾತ್ರವನ್ನು ಕೆಲವೊಂದು ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವುದರ ಮೂಲಕ ಮಾಡಬಹುದು ಅವುಗಳೆಂದರೆ:

೧. ತಮ್ಮನ್ನು ತಾವು ಸ್ವಚ್ಚವಾಗಿಟ್ಟುಕೊಳ್ಳುವುದು ಮತ್ತು ತಮ್ಮ ಸುತ್ತಮುತ್ತಲಿನ ಪರಿಸರವನ್ನು ಪ್ರತಿನಿತ್ಯ ಸ್ವಚ್ಛವಾಗಿರುವಂತೆ ಮಾಡುವುದು.

೨. ಸ್ವಚ್ಛತೆಗೆ ಸಂಬಂಧಿಸಿದಂತೆ ಎಲ್ಲರಿಗೂ ಅರ್ಥವಾಗುವಂತೆ ಬೀದಿ ನಾಟಕಗಳನ್ನು ಮಾಡುವುದು.

೩. ಯುವಕ, ಯುವತಿಯರೆಲ್ಲ ಸೇರಿ ಸ್ವಚ್ಛತೆ ಪ್ರಾಮುಖ್ಯತೆಯ ಕುರಿತು ಜನಸಾಮಾನ್ಯರಿಗೆ ತಿಳಿಸುವುದು.

೪. ಸ್ವಚ್ಛತೆ ಮತ್ತು ನೈರ್ಮಲ್ಯಕರಣಕ್ಕೆ ಸಂಬಂಧಿಸಿದ ಹಾಡುಗಳನ್ನು ಹಾಡುವುದು.

೫. ಭಿತ್ತಿಪತ್ರ , ಗೋಡೆ ಬರಹಗಳನ್ನು ಸ್ವಚ್ಛತೆಗೆ ಸಂಬಂಧಿಸಿದಂತೆ ಬರೆಯುವುದು. ಇತ್ಯಾದಿ…

ವಿಷಾದನೀಯವೆಂದರೆ ಇಂದು ಯುವಕ ಯುವತಿಯರು ಹೆಚ್ಚಿನ ಸಮಯವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಕಳೆಯುತ್ತಿದ್ದಾರೆ. ಅಂತವರು ತಮ್ಮ ಕರ್ತವ್ಯವನ್ನು ಅರಿತು ಸಾಮಾಜಿಕ ಜಾಲತಾಣದಲ್ಲೇ ಸ್ವಚ್ಛತೆ, ನೈರ್ಮಲ್ಯತೆಯ ಕುರಿತು ಪೋಸ್ಟರ್ ಗಳನ್ನು ಬಿಡಬೇಕು. ಇದರಿಂದ ಕೂಡ ಸ್ವಚ್ಛತೆ ಮತ್ತು ನೈರ್ಮಲ್ಯ ಕಾಪಾಡಲು ತಮ್ಮ ಪಾತ್ರವನ್ನು ವಹಿಸಿದಂತಾಗುತ್ತದೆ.

ಇದರೊಂದಿಗೆ ಯುವಕರು ಸರ್ಕಾರಕ್ಕೂ ಇದರ ಬಗ್ಗೆ ಅರಿವು ಮೂಡಿಸಿ, ಸರ್ಕಾರಕ್ಕೆ ತಮ್ಮ ಸಲಹೆಯನ್ನು ನೀಡಿ ಅದು ಜಾರಿಯಾಗುವಂತೆ ಮಾಡಬೇಕು .ನನ್ನ ಪ್ರಕಾರ ಸರ್ಕಾರಕ್ಕೆ ಯುವಜನತೆ ಕೊಡಬಹುದಾದ ಸಲಹೆಗಳೆಂದರೆ:

೧. ಪ್ರತಿ ಗ್ರಾಮ ಪಂಚಾಯಿತಿ ಪಟ್ಟಣ ಪಂಚಾಯಿತಿ ವ್ಯಾಪ್ತಿಯಲ್ಲಿ ಬರುವ ಮನೆಗಳಿಗೆ ಕಸದ ಬುಟ್ಟಿ ಕೊಟ್ಟು. ಹಸಿಕಸ , ಒಣಕಸ ಬೇರ್ಪಡಿಸಲು ಹೇಳಿ ಬೇರೆ ಮಾಡದಿದ್ದರೆ ಆಗುವ ತೊಂದರೆಯ ಬಗ್ಗೆ ಅರಿವು ಮೂಡಿಸಿ ಕಸಗಳನ್ನು ಸರಿಯಾದ ರೀತಿ ವಿಲೇವಾರಿ ಮಾಡಲು ತಿಳಿಸಬೇಕು. ಇದರೊಂದಿಗೆ ಯುವಕರ ಸಹಾಯವು ಇದೆ ಎಂದು ಹಸ್ತ ಚಾಚಬೇಕು.

೨. ಶಾಲಾ ಮಕ್ಕಳಿಗೆ ಅರಿವು ಮೂಡಿಸಲು ವಿವಿಧ ಸ್ಪರ್ಧೆಗಳನ್ನು ಆಯೋಜಿಸಬೇಕು.

೩. ಚರಂಡಿ ನೀರನ್ನು ಸರಿಯಾದ ರೀತಿಯಲ್ಲಿ ಹೋಗುವಂತೆ ಮಾಡಬೇಕು. ಪ್ರತಿ ಬೀದಿಗೂ ಅದರ ಉದ್ದದ ಅನುಗುಣವಾಗಿ ಕಸದ ಬುಟ್ಟಿಗಳನ್ನು ಇರಿಸಬೇಕು.

೪. ಪರಿಸರದ ಅಥವಾ ಸಮಾಜದ ಸ್ವಚ್ಛತೆ ನೈರ್ಮಲ್ಯಕರಣಕ್ಕೆ ಅಡ್ಡಿಯಾಗಿರುವ ಪ್ಲಾಸ್ಟಿಕ್ ಅನ್ನು ಬ್ಯಾನ್ ಮಾಡಬೇಕು.

೫. ಕೈಗಾರಿಕೆಯಿಂದ ಅಥವಾ ಇನ್ಯಾವುದೇ ರೀತಿಯಿಂದ ನೀರಿನ ಮೂಲಗಳಿಗೆ ತ್ಯಾಜ್ಯಗಳನ್ನು ಹೋಗದಂತೆ ಮಾಡಬೇಕು.

೬. ಅತ್ಯಂತ ಹೊಗೆ ಬೀರುವ ಗಾಡಿ, ಕೈಗಾರಿಕೆಗಳನ್ನು ಅತ್ಯಂತ ಕಮ್ಮಿ ಮಾಡಬೇಕು.

ಹೀಗೆ ಯುವಜನತೆ   ಸರ್ಕಾರಕ್ಕೆ ಸಲಹೆ ನೀಡಿ ತಮ್ಮ ಪಾತ್ರವನ್ನು ನಿರ್ವಹಿಸಬೇಕು. ಇದನ್ನು ಕೇವಲ ಒಂದು ವಾರ ಒಂದು ತಿಂಗಳು ಮಾಡದೆ ಪ್ರತಿನಿತ್ಯ ತಮ್ಮ ಸಮಾಜವನ್ನು ನೈರ್ಮಲ್ಯವಾಗಿಡಲು ಪ್ರಯತ್ನಿಸಬೇಕು.

“ಆರೋಗ್ಯದ ಮೂಲವೇ ಸ್ವಚ್ಛತೆ ಮತ್ತು ನೈರ್ಮಲ್ಯ”. ಅತ್ಯಂತ ದೊಡ್ಡ ಸಂವಹನ ಮಾಧ್ಯಮ ಎಂದು ಕರೆಸಿಕೊಳ್ಳುವ ವಿದ್ಯಾರ್ಥಿಗಳು ,ಯುವ ಜನರು ಸ್ವಚ್ಛತೆ ಮತ್ತು ನೈರ್ಮಲ್ಯವಾದ ಸಮಾಜವನ್ನು ನಿರ್ಮಿಸಲು ತಮ್ಮ ದಾಪುಗಾಲನ್ನು ಹಾಕಬೇಕು. ಗಾಂಧಿ ಕಂಡ ಸ್ವಚ್ಛ ಭಾರತದ ಕನಸನ್ನು ನನಸು ಮಾಡಬೇಕು.”ಸ್ವಚ್ಛ ಮೇವ ಜಯತೇ” ಎಂದು ಜಗತ್ತಿಗೆಲ್ಲ ಸಾರಬೇಕು .ಇದರ ರುವಾರಿಗಳು ನಾವಾಗೋಣ ಸ್ವಚ್ಛವಾದ ನೈರ್ಮನ್ಯವಾದ ಸಮಾಜವನ್ನು ಕಟ್ಟೋಣ.

ಧನ್ಯವಾದಗಳು….

ಸಂಧ್ಯಾ ಕೆ. ಕೆ

ಪ್ರಥಮ ಬಿ.ಎ ವಿದ್ಯಾರ್ಥಿನಿ

ಕಟೀಲ್ ಅಶೋಕ್ ಪೈ ಸ್ಮಾರಕ ಕಾಲೇಜ್ – ಶಿವಮೊಗ್ಗ

Role of Youth in Sanitation and Cleanliness in Society : 1

Leave a comment

On the Occasion of Gandhi Jayanthi an essay writing competition is organised on the topic “Role of Youth in Sanitisation and Cleanliness in Society“ for students.
Selected few essays are publishing in this platform.

“The world’s biggest power is the youth and the beauty of woman.”- Chanakya.

India has the highest number of youth population in the world with 365 million number of 10-24 years old. The beauty of Mother India could be achieved and be maintained through sanitation and cleanliness. As youth are the backbone of the nation. Youth become the important contributors when it comes to sanitation and cleanliness. Hence, increasing the power of the society and the nation.

Cleanliness refers to the state of being clean. It is something which must not be forced but encouraged. As every youth should develop the habit of cleanliness which can beneficial to the whole nation and even can enhance the quality of one’s life. “A sound mind in a sound body” as the quote states that one should have a clean body in order to have a cleaner soul and mind. It’s not a tough task to complete rather cleanliness is quite easy. It is essential for the health and wellbeing of humans and animals. Cleanliness will also keep us physically fit and also enhance our lifespan. Also similarly, cleanliness in our society mean enhanced beauty and healthiness of the surrounding. It just doesn’t beautify the area but also make it more attractive which in turn gives peace for the mind and can also be helpful in attracting more tourists to enhance the economy of the country.

Sanitation refers to the public health conditions related to clean drinking water, and treatment and disposal of human waste with proper sewage system. Poor sanitation puts children and youth at risk of diseases and malnutrition which can impact on overall development, learning and later in life, lack of sanitation can be a barrier to individual prosperity and sustainable development. Without proper sanitation, it can also lead to spread of harmful deadly disease like malaria and dengue which are caused by mosquitoes grown in the places of poor sanitation which in turn be a risk to health and livelihoods. Proper sanitation promotes health, improves the quality of the environment and thus, enhancing the quality of life in a society.

Me being a youth, playing a role in sanitation and cleanliness, I ask myself these following questions: what can be done to achieve cleanliness and sanitation? What can I do in order to keep my society clean and safe from disease? How to maintain cleanliness and sanitation? In order to achieve cleanliness and sanitation every youth should join hands, starting from own society we should keep our surroundings clean, just by not littering wherever we like would contribute to a greater cleanliness, and together participating in the cleanliness campaign like Swachh Bharat Abhiyan which was started by prime minister of India Narendra Modi and cleaning our streets, parks and spreading awareness throughout the world leading to achieve cleanliness at greater level. Sanitation can be achieved by checking or by avoiding the collection of rainwater or drainage water in any open water bodies or in tyres sanitation is maintained by having proper sewage system and by using public restrooms.

Me as a youth can keep the society clean starting from my own house, cleaning and taking out the garbage and properly disposing it which in turn will have my house clean and tidy. And even in school or college I can maintain cleanliness by not littering in the classroom or anywhere in the premises and by properly disposing wastes in dustbins. In order to maintain sanitation, I could clean the bench, where I sit to eat if I spilled anything and properly flushing and washing hand after the use of toilet will play a huge role in sanitation. Furthermore we can maintain cleanliness and sanitation by adopting the three R’s : Reduce, Recycle and Reuse in society to avoid the garbage collection across the streets.

“Sanitation is more important than political freedom” -Mahatma Gandhi.

It is the responsibility of every youth in maintaining cleanliness and sanitation in society. As youth are the bigger contributors in the field of cleanliness and sanitation. It can influence the growth of nation’s economy at a great extent and also increase the beauty of the nation. It not only improve a nation but also enhance the quality of education and knowledge of every youth and children thus making society a safer place even for older generations. Overall through sanitation and cleanliness with youth playing a huge role thus improves society’s and even whole nation’s health wealth and prosperity.

ATHISH R SHETTY

I Year BA Student.

Kateel Ashok Pai Memorial College, Shivamogga

ಶಿಕ್ಷಕರ ದಿನಾಚರಣೆಯ ಶುಭಾಶಯಗಳು

Leave a comment

ಶಿಕ್ಷಕರ ದಿನಾಚರಣೆಯ ಶುಭಾಶಯಗಳು (Happy Teachers Day)

“ಗುರುಬ್ರಹ್ಮ, ಗುರುವಿಷ್ಣು ಗುರುದೇವೊ ಮಹೇಶ್ವರ ಗುರು ಸಾಕ್ಷಾತ್ ಪರಬ್ರಹ್ಮ ತಸ್ಮೈಶ್ರೀ ಗುರುವೆ ನಮಃ”

ಅಂದರೆ, ಗುರುವು ಬ್ರಹ್ಮ, ವಿಷ್ಣುಮತ್ತು ಮಹೇಶ್ವರರ ಸ್ವರೂಪಿಯಾಗಿದ್ದು, ಪರಬ್ರಹ್ಮ ತತ್ತ್ವವೇ ಆಗಿದ್ದಾನೆ. ಅಂಥ ಗುರುವಿಗೆ ಪ್ರಣಾಮಗಳು, ಎನ್ನುತ್ತಾರೆ ಶಂಕರಾಚಾರ್ಯರು.

ಹಾಗೆಯೇ ಪುರಂದರದಾಸರು : “ಗುರುವಿನ ಗುಲಾಮನಾಗುವ ತನಕ ದೊರೆಯದಣ್ಣ ಮುಕುತಿ” ಎಂದಿದ್ದಾರೆ.

ವಿದ್ಯಾರ್ಥಿಗಳಿಗೆ ಸೆಪ್ಟೆಂಬರ್‌ ತಿಂಗಳು ಬಂತೆಂದರೆ ಮೊದಲು ನೆನಪಾಗುವುದು ಶಿಕ್ಷಕರ ದಿನಾಚರಣೆ, ಹೌದು ಸೆಪ್ಟೆಂಬರ್‌ 5 ಶಿಕ್ಷಕರ ದಿನಾಚರಣೆ ಹಾಗೂ ಡಾ.|| ಸರ್ವಪಲ್ಲಿ ರಾಧಕೃಷ್ಣನ್‌ ರವರ ಹುಟ್ಟುಹಬ್ಬವೂ ಕೂಡ. ಪ್ರತಿ ಶಾಲಾ ಕಾಲೇಜುಗಳಿಗೆ ಮಾತ್ರ ಸಿಮೀತವಾಗದೆ, ಪ್ರತಿಯೊಂದು ಕ್ಷೇತ್ರದಲ್ಲೂ ಕೂಡ ತಮಗೆ ತಿಳಿದಿರುವ ವಿಷಯದ ಜೊತೆಗೆ, ತಮಗೆ ತಿಳಿದಿರದ ವಿಷಯಗಳನ್ನು ತಿಳಿದು ತಮ್ಮ ವಿದ್ಯಾರ್ಥಿಗಳಿಗೆ ಕಲಿಸುವ ಶಿಕ್ಷಕರುಗಳಿಗಾಗಿಯೇ ಇರುವ ದಿನ. ಶಾಲಾ ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳು ಆ ದಿನ ತಮ್ಮ ಶಿಕ್ಷಕರಿಗಾಗಿ ಹಬ್ಬದ ವತಾವರಣ ನಿರ್ಮಿಸುತ್ತಾರೆ.

ವಿವಿದ ಕ್ರೀಡೆ, ಮನರಂಜನಾ ಕಾರ್ಯಕ್ರಮಗಳನ್ನು ಆಯೋಜಿಸಿ ಆ ದಿನವನ್ನು ಅರ್ಥ ಪೂರ್ಣಗೊಳಿಸುತ್ತಾರೆ. ಅಲ್ಲದೆ ತಮ್ಮ ವಿದ್ಯಾರ್ಥಿ ಜೀವನದ  ಶಿಕ್ಷಕರನ್ನು / ನೆಚ್ಚಿನ ಗುರುಗಳನ್ನು ನೆನಪಿಸಿಕೊಂಡು ಕೃತಙ್ಞಾತೆಗಳನ್ನು ತಿಳಿಸುತ್ತ ಅವರೊಂದಿಗಿನ ಆವಿನಾಬಾವ ನೆನಪುಗಳನ್ನು ಮೆಲುಕು ಹಾಕುವುದು ಈ ದಿನದ ವಿಶೇಷ. ವಿದ್ಯಾರ್ಥಿಗಳು ತಮ್ಮ ಶಿಕ್ಷಕರ ಜೊತೆ ತೆಗಿಸಿದ ಭಾವಚಿತ್ರಗಳೊಂದಿಗೆ ತಮ್ಮ ನೆನಪುಗಳನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಹಂಚಿಕೊಂಡು ಸಂಬ್ರಮಿಸುತ್ತಾರೆ.

ಅರಿವಿಗೂ ಸಿಗದ ಜ್ಞಾನದ ಮೂರ್ತಿ ಶಿಕ್ಷಕ.

ಅರಿಯದೆ ಆದ ತಪ್ಪನ್ನು ಕ್ಷಮಿಸುವವ ಶಿಕ್ಷಕ.

ಅರಿವೂ ಎಂಬ ಜ್ಞಾನವನ್ನು ಬಿತ್ತಿ,  ಪೋಷಿಸುವ  ಮಾರ್ಗದರ್ಶಕ.

ಅರಿಯದೆ ಬರುವ ಅಹಂ ಎಂಬ ನೌಕೆಯನ್ನು ಕಿತ್ತೊಗೆಸಿ.

ಪ್ರತ್ಯಕ್ಷ ಮೂರ್ತಿ ಆಗುವ ಸಹಾನು ದ್ಯೋತಕ.

ಅಮ್ಮ ಅಪ್ಪ ಎಂಬ ಎರಡಕ್ಷರದ ನಡುವೆ.

ಎಣಿಕೆಗೂ ಸಿಗದಷ್ಟು ಬಂದು ಹೋಗುವ ಗುರುವೆಂಬ ನಾವಿಕ.

ಆಕಾಶದ ಅಂಚನ್ನು ತಟ್ಟುವಂತೆ  ಪ್ರೋತ್ಸಾಹ ನೀಡುವ ಉತ್ಸಾಹದ ಬಿಂಬಕ.

ಅಮ್ಮಂನಂತೆ ಆಲಂಗಿಸಿ, ಅಪ್ಪನಂತೆ ಆಶೀರ್ವದಿಸಿ ಆತ್ಮೀಯ ಮಿತ್ರರಾಗುವ

ಅಪಾರ ಜೀವೊನ್ಮದದ ಹಿಂಚಾಲಕ.

ಎಂದಿಗೂ ನಮ್ಮೊಂದಿಗಿರುವ ಗುರುವೇ.

ನಿಮಗಿದೋ ವರ್ಷಾಕೊಮ್ಮೆ ಆಚರಿಸುವ

ಶಿಕ್ಷಕರ ದಿನದ ಶುಭಾಶಯಗಳು.

💐||ಗುರುಭ್ಯೋ ನಮಃ||💐

ಭಾರ್ಗವಿ. ಜಿ.ಆರ್

ಪ್ರಥಮ ಬಿ. ಎ. ವಿದ್ಯಾರ್ಥಿನಿ

ಕಟೀಲ್‌ ಅಶೋಕ್‌ ಪೈ ಸ್ಮಾರಕ ಕಾಲೇಜು, ಶಿವಮೊಗ್ಗ

ಗೆಳೆಯನಿಗೊಂದು ಮಾತು

1 Comment on ಗೆಳೆಯನಿಗೊಂದು ಮಾತು

ಗೆಳೆಯನಿಗೊಂದು ಮಾತು

ಬಂಧನಕ್ಕೆ ಮಿತಿ ಎಂಬುದು ಸುಳ್ಳು. ಅಂಟಿದರೆ ಪೂರ್ತಿಯಾಗಿ ಸೆಳೆದು ಬಿಡುತ್ತದೆ ವಿದ್ಯುತ್ ಶಾಕ್ನಂತೆ.  ಇಲ್ಲ, ಸ್ಪರ್ಶಕ್ಕೆ ಸಿಗದಷ್ಟು ದೂರವೇ ಇರಬೇಕು.ಈ ಜೀವನಚಕ್ರ ನದಿಯ ತೆರೆಗಳಂತೆ ಉರುಳಿ ಹೊರಳುತ್ತಲೇ ಇರುತ್ತದೆ. ಇದಕ್ಕೆ ಆರಂಭವಿಲ್ಲ, ಅಂತ್ಯವಿಲ್ಲ, ಸ್ಥಿರತೆ ಇಲ್ಲ.

ಜೀವದ ಗೆಳೆಯನಿರಲಿ ಗೆಳತಿಯಿರಲಿ ನಡುವೊಂದು ಲಕ್ಷ್ಮಣ ರೇಖೆಯ ಪಾವಿತ್ರ್ಯ ಕಾಯ್ದುಕ್ಕೊಳ್ಳೋಣ. ಆಗಲೇ ನಮ್ಮ ಅಕ್ಕರೆಯ ಆಚೆ ಈಚೆ ಇಬ್ಬರು ಬೆಳೆಯಬಲ್ಲೆವು. ಅಷ್ಟೇ ಅಲ್ಲದೆ ಪರಸ್ಪರರ ಹೊಸ ಅಗತ್ಯಗಳನ್ನು ಅರಿಯುತ್ತ ಸಂಬಧದಲ್ಲಿ ತಾಜಾತನ ಉಳಿಸಿಕ್ಕೊಳ್ಳಬಲ್ಲೆವು.

ನಿನ್ನ ಗೆಳೆತನದ ಸುವಿಶಾಲ ಆಲದಡಿ ಪಸರಿಸಿ ತಣ್ಣನೆಯ ತಂಪಿನಲಿ ತಂಗಿರುವೆನು. ಜೀವನದ ಅನಂತ ದುರ್ಭರ ಬವಣೆ ನೋವುಗಳ ಕಾವುಗಳ ಮೌನದಲಿ ತಂಗಿರುವೆನು. ಗೆಳೆತನವೆ ಇಹಲೋಕಕ್ಕಿರುವ ಅಮೃತ  ಅದನ್ನುಳಿಸಿಕೊಂಡರೆ ಅದುವೇ ಜೀವನಾಮೃತ.

ನೊಂದಾಗ ಸಮಾಧಾನ ಹೇಳಿ ಎಡವಿ ಬಿದ್ದಾಗ ಮೇಲಕ್ಕೆ ಎತ್ತಿ ಸುಖ ದುಃಖದಲ್ಲಿ ಭಾಗಿಯಾಗಿ ಜೊತೆ ಜೊತೆಯಾಗಿ ಸಾಗುವ ಪವಿತ್ರ ಸಂಬಂಧವೇ ನಿಜವಾದ “ಸ್ನೇಹ”.

ಇರಬೇಕು…….ಒಬ್ಬ ಗೆಳೆಯ/ಗೆಳತಿ,  

ನೋವುಗಳಿಗೆ ಸ್ಪಂದಿಸುತ್ತ, ತಪ್ಪುಗಳನ್ನು ತಿದ್ದುತ್ತ , 

ಖುಷಿಯನ್ನು ಹಂಚಿಕೊಳ್ಳುತ್ತಾ, ಪ್ರೇಮಿಗಿಂತ ಹೆಚ್ಚಾಗಿ ಪ್ರೀತಿಸುತ್ತಾ,

ಆಗಾಗ ರೆಗಿಸುತ್ತಾ, ಬದುಕಿಗೆ ಸ್ಪೂರ್ತಿ ತುಂಬುವಂತೆ,

ಇರಬೇಕು…….ಒಬ್ಬ ಗೆಳೆಯ/ಗೆಳತಿ ಇರಬೇಕು,

ಅದು ನಾನು ನಿಮ್ಮಲ್ಲಿ ಕಂಡೆ, ಏಷ್ಟೋ ಖುಷಿಯನ್ನುಪಟ್ಟೆ, ನನ್ನ ಎಲ್ಲಾ ನೋವುಗಳನ್ನು ನಿಮ್ಮೊಟ್ಟಿಗೆ ಸೇರಿದಾಗ ಮರೆತು ಸಂತೋಷದ ಕ್ಷಣಗಳನ್ನು ಅನುಭವಿಸಿದೆ.ಅತ್ತಾಗ ಕಣ್ಣೀರು ಒರೆಸಿದೆ ನನ್ನ ಸಂತೋಷದ ಕ್ಷಣಗಳನ್ನು ಹೇಳಿದಾಗ ನನಗಿಂತ ಹೆಚ್ಚು ಕುಷಿಪಟ್ಟವನು ನೀನು. ಗೊತ್ತಿಲ್ಲದವರ ಜೊತೆ ಸಲುಗೆ ಬೆಳಿಸಿ ಮೂವಿ, ಮಾಲು, ಎಂದು ಸುತ್ತಾಡುವಾಗ ಅದನ್ನು ಕಂಡು ಕೋಪಗೊಂಡವನು ನೀನು. ಆದಿನ ನೀನು ಇಲ್ಲಿ ಬಂದಿರುವ ಕೆಲಸ ಏನು ? ಇಲ್ಲಿ ಮಾಡುತ್ತಿರುವುದು ಏನು? ಎಂದು ಪ್ರಶ್ನಿಸಿದವನು ನೀನು. ನನ್ನ ಬದುಕಿನ ಗುರಿಯ ಬಗ್ಗೆ ತಿಳಿಸಿ ನನ್ನ ಬದುಕಿನ ಚಿಂತನೆಯ ದಿಕ್ಕನ್ನೇ ಬದಲಿಸುವಂತೆ ಮಾಡಿದವನು ನೀನು…

ಇವನು ತುಂಬಾ ಸ್ವಾಭಿಮಾನಿ,  ಒಮ್ಮೊಮ್ಮೆ ಕಡು ಕೋಪಿಷ್ಟ,

ಆದರೂ ನನಗೆ ತುಂಬಾ ಇಷ್ಟ, ಇನ್ನೂ ಹೇಳೋಕೆ ಕಷ್ಟ.

ನಿನ್ನ  ಬಳಿ ಯಾವುದೇ ವಿಷಯವಾದರೂ  ಮೊದಲು ನಿನ್ನ ಬಳಿ ಹೇಳಬೇಕೆಂದು ಹಪಿಹಪಿಸುವಳು ನಾನು. ನಿನ್ನ ಸ್ನೇಹದಿಂದ ಏಷ್ಟೋ ಪ್ರೀತಿಯನ್ನು ಗಳಿಸಿದ್ದೇನೆ, ಈ ಸ್ನೇಹ ಹೀಗೆ ಇರಲಿ ಎಂದು ಆಶಿಸುವೆನು ನಾನು….

ಪರಿಚಯವಾಗಿದ್ದು ಆಕಸ್ಮಿಕವಾದರು ಸ್ನೇಹ ಶಾಶ್ವತವಾಗಿರಲಿ.

ಜೀವನ ಕರೆದುಕೊಂಡು ಹೋಗುವ ಕಡೆ ನಾವು ಹೋಗದೆ, ನಾವು ಹೋಗುವ ಕಡೆ ಜೀವನ ಕರೆದುಕೊಂಡು ಹೋಗಬೇಕು ಇದುವೇ ಜಾಣತನ ಗೆಳೆಯ …. ಇದು ನಾವಗಬೇಕು ಎಂದು ಅಶಿಸುತ್ತ

ನಿನ್ನ ಮುಂದಿನ ವಿದ್ಯಾಭ್ಯಾಸದ ಪಯಣ ಉತ್ತಮ ಪ್ರಗತಿಶೀಲದ ನಿಟ್ಟಿನಲ್ಲಿ ಸಾಗಲಿ ಎಂದು ಶುಭಹಾರೈಸುವೆ ಗೆಳೆಯ….

ಇಂತ ಸುಂದರ ಸ್ನೇಹ ಸಿಕ್ಕಿದ್ದು ಈ ಕಾಲೇಜು ನನಗೆ ನೀಡಿದ ಸುಂದರ ಉಡುಗೊರೆಯಾಗಿದೆ… ಅದಕ್ಕಾಗಿ ನಾನು KAPMC ಗೆ ಧನ್ಯವಾದ ಅರ್ಪಿಸುತ್ತೇನೆ

“ಸ್ನೇಹಿತರ ದಿನದ ಶುಭಾಶಯಗಳು”

ಅರ್ಪಿತ. ಸಿ

ತೃತೀಯ  ಬಿ. ಎ, ವಿದ್ಯಾರ್ಥಿನಿ

ಕಟೀಲ್ ಅಶೋಕ್ ಪೈ ಸ್ಮಾರಕ ಕಾಲೇಜ್ – ಶಿವಮೊಗ್ಗ

ಸ್ನೇಹಿತರ ನಡುವೆ ನಾನು ಸದಾ ರಕ್ಷಿತನಾಗಿರಲಿ

1 Comment on ಸ್ನೇಹಿತರ ನಡುವೆ ನಾನು ಸದಾ ರಕ್ಷಿತನಾಗಿರಲಿ
Image Credit: Anikethana S

ಸ್ನೇಹಿತರ ನಡುವೆ ನಾನು ಸದಾ ರಕ್ಷಿತನಾಗಿರಲಿ

ಪ್ರೇರಣೆಯ ಹಾದಿಯಲಿ ಅಭಿಲಾಷೆಯ ಅಮಲಿನಲಿ,

ಅಮೋಘ ಹಾಗೂ ನವ್ಯವಾದ ಸಾಧನೆಯ ಸಾಧಿಸಲು

ವಿನಯವನ್ನು ಮಾಲೆಯನ್ನಾಗಿಸಿಕೊಂಡೆ.

ಅನಿಕೇತನನಾಗಲು ಶ್ರೇಯೆಯ ಶೃತಿಯನ್ನು ಹಿಡಿದು

ನಿತ್ಯವೂ ರಜಿಯನ್ಹಾಕದೆ ‌ಆಲಯವನ್ಹೊಕ್ಕು

ಗಾನದೇವಿ ಸರಸ್ವತಿಗೆ ಪ್ರಥಮವಾಗಿ ಕಾವ್ಯಪಲ್ಲವಿಯ

ಸಂಗೀತಸುಧೆಯನರ್ಪಿಸಿ ಚೈತನ್ಯಗೊಳಿಸಿ

ವಿದ್ಯುತ್ಸಂಚಯನಗೊಳಿಸುವ ಮದೀರ್ಮೋಹಗಳನ್ನು ಮಸ್ತಿಷ್ಕದೊಳಗೆ ನಂದಿಸಿ

ಆಕಾಶದೊರೆಯ ಶೋಭೆಯನ್ನು

ಮನೆಯೊಳಗಿನಭೂಮಿಕೆಗಾಹ್ವಾನಮಾಡಿ ಸುವರ್ಣನಿಧಿಯನ್ನಾಗಿಸಿ

ದೀಪಿಕೆಯ ದೀಪ್ತಿಯನು ಪ್ರಜ್ವಲಗೊಳಿಸಿ

ರಂಗೋಲಿಯ ಮಂಜುಸುರೇಖೆಗಳನ್ನಿಟ್ಟು ಮನುವಂತರದ ಯುಗದಲಿ

ಚಂದನ-ಸಿಂಧೂರವನಿಟ್ಟು ಗಾಯತ್ರಿಯನು ಮಂತ್ರದಿಂದ ರಮಿಸಿ

ನಂದಿನಿಯ ಪವಿತ್ರತೆಯನ್ನು ಜಾಹ್ನವಿಯೊಂದಿಗೆ ವೇಣಿಸಂಗಮಗೊಳಿಸಿ

ಶಶಿಕಲಾಧರನಾದ ಮಲ್ಲಿಕಾರ್ಜುನ ಲಿಂಗಾಭಿಷೇಕವನು ಮಾಡಿ

ನಯನಗಳನ್ಮುಚ್ಚಿ ರಾಜೇಶ್ವರಿಯ ಅವಧಾನಿಸುತ

ಮೃಣಾಲಿನಿಯನ್ನು ತೆರೆದು ತೇಜಸ್ವಿಯಂತೆ ಮೈಯೊಲಿಯುತ

ಎದ್ದು  ಸ್ವಾತಿ ಮಳೆಯ ಹನಿಗಳು ಜೀವಿತವಿರುವ

ಮಧುಮುಟ್ಟದ ದಿವ್ಯ ಬಬ್ಬಲಿತ ಪುಷ್ಪಗಳನ್ನು

ಜಾನುವಾರುಗಳಿಗಾಹಾರವನಾಗಿ ಅರ್ಪಿಸಿ ಪ್ರಾಣವನ್ನು ಸಡಿಲಗೊಳಿಸಿಕೊಂಡು

ಪೈಗಳ ಕಾಲೇಜಿನಲ್ಲಿ ಇಂತಹ ಅಮೂಲ್ಯ ಸ್ನೇಹಿತರ ನಡುವೆ

ನಾನು ಸದಾ ರಕ್ಷಿತನಾಗಿರಲಿ ಎಂದು ಬೇಡಿಕೊಳ್ಳುವೆ.

 

ರಕ್ಷಿತ್.  ಹೆಚ್. ಆರ್

ದ್ವೀತಿಯ ಬಿ ಎ ,  ವಿಧ್ಯಾರ್ಥಿ

ಕಟೀಲ್ ಅಶೋಕ್ ಪೈ ಸ್ಮಾರಕ ಕಾಲೇಜು, ಶಿವಮೊಗ್ಗ

 

ಅವನ ತರಗತಿಯ ಸುಮಾರು 60 ಕ್ಕೂ ಹೆಚ್ಚು ಬಿ.ಎ ಮತ್ತು ಬಿ.ಎಸ್.‌ಡಬ್ಲ್ಯೂ. ವಿಧ್ಯಾರ್ಥಿಗಳ ಹೆಸರಿನಲ್ಲೇ ಈ ಪದ್ಯ ರಚಿಸಲಾಗಿದೆ. 

ಸದ್ಯವಾದರೆ ! ಅವುಗಳನ್ನು ಗುರುತಿಸಿ ಕಮೆಂಟ್‌ ಮಾಡಿ. 

 

ನನ್ನ ಕಾಲೇಜು ನನ್ನ ಹೆಮ್ಮೆ

Leave a comment

ನನ್ನ ಕಾಲೇಜು ನನ್ನ ಹೆಮ್ಮೆ

ಈ ಕಥೆ ಶುರುವಾಗುವುದು ಒಂದು ಆನ್ಲೈನ್ ವೇಬಿನರ್ ನಲ್ಲಿ, ಒಬ್ಬ ವಿದ್ಯಾರ್ಥಿ ಒಂದು ಪ್ರಶ್ನೆಯನ್ನು ಕೇಳುತ್ತಾನೆ, ಮಾನಸ ಸಂಸ್ಥೆಯ ಯಾವುದೇ ವಿಭಾಗದಲ್ಲಿ ಸಂಸ್ಥೆಯ ನಿರ್ದೇಶಕರಿಂದ ಹಿಡಿದು ಸಂಸ್ಥೆಯಲ್ಲಿ ಕಸ ಗುಡಿಸುವವರವರೆಗೂ ಮಹಿಳೆಯರ ಪ್ರಮಾಣ ಹೆಚ್ಚಿದೆ, ಕಾಲೇಜಿನ ಆಡಿಟೋರಿಯಂನಲ್ಲಿ ಯಾವುದಾದರೂ ಕಾರ್ಯಕ್ರಮ ಆಯೋಜಿಸಿದರೆ ಒಂದಷ್ಟು ಪ್ರಮಾಣದಲ್ಲಿ ಗಂಡು ಮಕ್ಕಳು ಇದ್ದರೆ ಆಡಿಟೋರಿಯಂನಾ ಮೊದಲಿನಿಂದ ಕೊನೆಯವರೆಗೂ ಹೆಣ್ಣುಮಕ್ಕಳೇ ಕುಳಿತಿರುತ್ತಾರೆ,     ಹೀಗೆ ಒಮ್ಮೆ ನನ್ನ ಬೇರೆ ಕಾಲೇಜಿನ ಸ್ನೇಹಿತ ಕೇಳಿದ “ಕೋ-ಎಜುಕೇಶನ್ ಅಂತ ಬಂದಾಗ ಯಾವುದೇ ಶಾಲಾ-ಕಾಲೇಜುಗಳಲ್ಲಿ ಹುಡುಗಿಯರಿಗಿಂತ ಹುಡುಗರ ಪ್ರಮಾಣ ಹೆಚ್ಚಿರುತ್ತದೆ, ಆದರೆ ನಿಮ್ಮ ಕಾಲೇಜಿನಲ್ಲಿ  ಯಾಕೆ ಹುಡುಗಿಯರೇ ಜಾಸ್ತಿ ಇದ್ದಾರೆ?” ಎಂದು…..

ಸ್ವಲ್ಪ ಹೊತ್ತಿನ ನಂತರ ಅವನೇ ಉತ್ತರ ಹೇಳಿದ “ಭವಿಷ್ಯಃ ಎಷ್ಟೋ ಜನ ಹೆಣ್ಣುಮಕ್ಕಳ ತಂದೆ-ತಾಯಿಯರಿಗೆ ಅನ್ನಿಸಿರಬಹುದು ನನ್ನ ಮಗಳನ್ನು ಈ ಕಾಲೇಜಿನಲ್ಲಿ ಸೇರಿಸಿದರೆ ಹೆಚ್ಚಿನ ಭದ್ರತೆ, ಸುರಕ್ಷತೆ, ಸ್ವಾಯತ್ತತೆ , ನನ್ನ ಮಗಳಿಗೆ ಸಿಗಬಹುದು ಆದ್ದರಿಂದ ಈ ಕಾಲೇಜಿಗೆ ಸೇರಿಸಲೇಬೇಕು ಎಂದು, ಅದಕ್ಕೆ ನಿಮ್ಮ ಕಾಲೇಜಿನಲ್ಲಿ ಹುಡುಗಿಯರು ಜಾಸ್ತಿ” ಎಂದು ಹೇಳಿದ.

ಬೇರೆ ಕಾಲೇಜಿನ ವಿದ್ಯಾರ್ಥಿಯೊಬ್ಬ ನಮ್ಮ ಕಾಲೇಜಿನ ಬಗ್ಗೆ ಇಷ್ಟೆಲ್ಲಾ ಅರ್ಥ ಮಾಡಿಕೊಂಡಿರುವುದನ್ನು ನೋಡಿ ಖುಷಿಯಾಯಿತು ಮತ್ತು ನಾವು ಎಂತಹ ಒಳ್ಳೆಯ ಕಾಲೇಜಿನಲ್ಲಿ ಓದುತ್ತಿದ್ದೇವೆ ಎಂದು ಒಮ್ಮೆ ನೆನಪಿಗೆ ಬಂದು ಹೆಮ್ಮೆಯಾಯಿತು.

ಇದಕ್ಕಿಂತ ಒಳ್ಳೆಯ ಮಹಿಳಾ ಅಭಿವೃದ್ಧಿ ಕಾರ್ಯ ಬೇಕಾ? ಹೆಣ್ಣುಮಕ್ಕಳಿಗೆ ಹೆಚ್ಚೆಂದರೆ 2nd PUC ಓದಿಸಿ ನಂತರ ಮದುವೆ ಮಾಡಿಸಿ ಕಳುಹಿಸಿದರೆ ಆಗುತ್ತಾ? ಈ ಕಾಲೇಜಿನಲ್ಲಿ BA, BSW, BSC, MScಯಲ್ಲಿ ಸಹಿತ ಹೆಚ್ಚಿನ ಹೆಣ್ಣುಮಕ್ಕಳೇ ಇದ್ದಾರೆ, ಮಾನಸ ಸಂಸ್ಥೆಯಲ್ಲಿ ಕೆಲಸ ಮಾಡುವ ಹೆಚ್ಚಿನ ಸಿಬ್ಬಂದಿ ವರ್ಗ ಹೆಚ್ಚಿನದಾಗಿ ಮಹಿಳಾ ಸಿಬ್ಬಂದಿ ವರ್ಗವೇ ಆಗಿದೆ, ಈ ಕಾಲೇಜಿನ “ಮಹಿಳಾ ವಿದ್ಯಾರ್ಥಿನಿಯರ ಸೈನ್ಯವೇ” ಒಮ್ಮೆ ಕೇಳಿ ಈ ಕಾಲೇಜಿನ ಮುಖಾಂತರ ನೀವೇ ಸಮಾಜಕ್ಕೆ ತೋರಿಸುತ್ತಿದ್ದೀರಿ ಮಹಿಳೆಯರಿಗೆ ಕಟ್ಟುಪಾಡುಗಳನ್ನು ಹಾಕದೆ ಅವರಿಗೆ ಉನ್ನತ ಶಿಕ್ಷಣ ಕೊಡಿಸಿದರೆ ಅವರು ರಾಷ್ಟ್ರವನ್ನೇ ಅಭಿವೃದ್ಧಿ ಮಾಡುತ್ತಾರೆ ಎಂದು…….. ವಿವೇಕಾನಂದರು ಸಹ ಇದನ್ನೇ ಹೇಳಿದ್ದು “ಮಹಿಳೆಯರನ್ನು ಉದ್ದಾರ ಮಾಡಲು ನೀನ್ಯಾರು? ಮಹಿಳೆಯರಿಗೆ ಯಾವುದೇ ಕಟ್ಟುಪಾಡನ್ನು ಹಾಕದೆ ಸುಮ್ಮನೆ ಬಿಟ್ಟರೆ ಅವರು ತಾನೇತಾನಾಗಿ ಅಭಿವೃದ್ಧಿಹೊಂದಿ ಮುಂದೆ ರಾಷ್ಟ್ರವನ್ನು ಸಹ ಮುನ್ನಡೆಸುತ್ತಾರೆ” ಎಂದು, ಈ ನುಡಿಗಳನ್ನು ನಾವು ಕೇಳಿದ್ದೆವು, ಈಗ ನೋಡುತ್ತಿದ್ದೇವೆ……..

ಕೊನೆಯದಾಗಿ ಒಂದು ಮಾತು ಭೂಮಿತಾಯಿ ಹೆಣ್ಣು, ಭಾರತಮಾತೆ ಹೆಣ್ಣು, ಕರ್ನಾಟಕ ಮಾತೆ ಹೆಣ್ಣು, ನಮ್ಮ ತಾಯಿ, ಅಕ್ಕ, ತಂಗಿ, ಗೆಳತಿ, ಹೆಂಡತಿ, ಮಗಳು, ಎಲ್ಲರೂ ಹೆಣ್ಣೆ, ಹೆಣ್ಣಿಲ್ಲದೆ ಗಂಡಿಲ್ಲ, ಗಂಡಿಲ್ಲದೇ ಹೆಣ್ಣಿಲ್ಲ ಇದು ಪ್ರಕೃತಿ ನಿಯಮ. ಮಹಿಳಾ ದಿನಾಚರಣೆಯ ದಿನ ಒಂದು ದಿನದ ಮಟ್ಟಿಗೆ ಮಹಿಳೆಯರೆಲ್ಲ ಶುಭಾಶಯವನ್ನು ಹೇಳಿಕೊಂಡರೆ ಅದು ಮಹಿಳಾ ದಿನಾಚರಣೆಯಲ್ಲಾ…….

ಇಡೀ ವರ್ಷಪೂರ್ತಿ ಪುರುಷರೆಲ್ಲ ಮಹಿಳೆಯರನ್ನು ಗೌರವದಿಂದ ಕಂಡರೆ ಅದು ನಿಜವಾದ ಮಹಿಳಾ ದಿನಾಚರಣೆ, ಹೆಣ್ಣು ಮನಸ್ಸು ಮಾಡಿದರೆ ದುರ್ಗೆಯಂತೆ, ಕಾಳಿಯಂತೆ ಮೈ ಕೊಡವಿ ನಿಂತು ತನ್ನನ್ನು ರಕ್ಷಿಸಿಕೊಳ್ಳುತ್ತಾ ಇತರರನ್ನು ರಕ್ಷಿಸುತ್ತಾಳೆ, ಹೆಣ್ಣನ್ನು ರಕ್ಷಿಸುವುದಲ್ಲಾ ಗೌರವಿಸೋಣ…… ಅವಳಿಗೆ ತನ್ನನ್ನು ರಕ್ಷಿಸಿಕೊಂಡು ಇತರರನ್ನು ರಕ್ಷಿಸುವುದು ಗೊತ್ತಿದೆ……..

ಮಹಿಳೆಯರ ಅಭಿವೃದ್ಧಿಯು ಸಮಾಜಕ್ಕೆ ಕಾಣುವಂತೆ ಮಾಡುತ್ತಿರುವ ಮಾನಸ ಸಂಸ್ಥೆಯ ನಿರ್ದೇಶಕರಿಗೂ, ನಮ್ಮ ಕಾಲೇಜಿನ ಪ್ರಾಂಶುಪಾಲರಿಗೂ, ಕಾಲೇಜಿನ ಶಿಕ್ಷಕ ವೃಂದಕ್ಕೂ ಮತ್ತು ನಮ್ಮ ಕಾಲೇಜಿನ ಮಹಿಳಾ ಸೈನ್ಯಕ್ಕೂ, ಪುರುಷ ವಿದ್ಯಾರ್ಥಿಗಳಿಗೂ ಎಲ್ಲರಿಗೂ ಶತಶತ ನಮನಗಳು………


ನಾಗೇಂದ್ರ,

ಪ್ರಥಮ ವರ್ಷದ ಸಮಾಜಕಾರ್ಯ ವಿದ್ಯಾರ್ಥಿ,

ಕಟೀಲ್ ಅಶೋಕ್ ಪೈ ಸ್ಮಾರಕ ಕಾಲೇಜು, ಶಿವಮೊಗ್ಗ,

ಪಿಯು ಆದಮೇಲೆ ವಿವಿಧ ಉದ್ಯೋಗವಕಾಶಗಳ ಪದವಿ ಕೋರ್ಸು BSW

Leave a comment

ಪಿಯು ಆದಮೇಲೆ ವಿವಿಧ ಉದ್ಯೋಗವಕಾಶಗಳ ಪದವಿ ಕೋರ್ಸು BSW……….

 

ಮೊನ್ನೆ ಮೊನ್ನೆ ಇನ್ನೂ ದ್ವಿತೀಯ ಪಿಯುಸಿಯ ಫಲಿತಾಂಶ ಪ್ರಕಟವಾಗಿದೆ, ಈಗ ವಿದ್ಯಾರ್ಥಿಗಳಲ್ಲಿ ಮತ್ತು ಅನೇಕ ಪೋಷಕರಲ್ಲಿ ಕಾಡುತ್ತಿರುವ ಪ್ರಶ್ನೆ ಮುಂದೇನು ? ಮುಂದೆ ಯಾವ ಕೋರ್ಸು ಸುಲಭವಾಗಿರುತ್ತದೆ ? ಯಾವುದಕ್ಕೆ ಹೆಚ್ಚಿನ ಉದ್ಯೋಗವಕಾಶವಿದೆ ? ಯಾವುದರಲ್ಲಿ ಹೆಚ್ಚಿಗೆ ಕಲಿಯಬಹುದು ? ಹೀಗೆ ಹಲವಾರು ಪ್ರಶ್ನೆಗಳು ಮೂಡುತ್ತಿವೆ, ದ್ವಿತೀಯ ಪಿಯುಸಿ ಮುಗಿದ ಮೇಲೆ ಹಲವಾರು ದಾರಿಗಳಿವೆ ಅದರಲ್ಲಿ ಒಂದು ದಾರಿಯೇ ಸಮಾಜಕಾರ್ಯ ಶಿಕ್ಷಣ – BSW  (bachelor of social work) ಇದೊಂದು ವಿಪುಲ ಉದ್ಯೋಗವಕಾಶಗಳನ್ನು ಹೊಂದಿರುವ ಔದ್ಯೋಗಿಕ (professional) ಕೋರ್ಸ್ ಆಗಿದ್ದು BSW 3 ವರ್ಷ ಓದಿ ಡಿಗ್ರಿ ಮುಗಿಸಿದ ನಂತರದಲ್ಲಿ MSW ಮಾಸ್ಟರ್ ಡಿಗ್ರಿಯನ್ನೂ ಮಾಡಬಹುದು, ಇದೂ ಮುಗಿದ ನಂತರ Mphil ಅಥವಾ PhD ಸಹ ಮಾಡಬಹುದಾಗಿದೆ.

BSW / MSW ಅನ್ನುವುದು 4  ಗೋಡೆಗಳ ನಡುವೆ ಕಲಿಸುವ ಶಿಕ್ಷಣವಲ್ಲ ಇದರಲ್ಲಿ ವಾರದಲ್ಲಿ 4 ದಿನಗಳ ಕಾಲ ಕ್ಲಾಸ್ ರೂಮ್ ನಲ್ಲಿ ಪಾಠ ಮಾಡಿದರೆ ಇನ್ನುಳಿದ 2 ದಿನಗಳು ವಿದ್ಯಾರ್ಥಿಗಳಿಗೆ field work (ಕ್ಷೇತ್ರಕಾರ್ಯ ಅಧ್ಯಯನದ) ಮೂಲಕ ಕಲಿಸಲಾಗುತ್ತದೆ, ಇದರಿಂದ ಡಿಗ್ರಿ ಮುಗಿಸಿ ಬಂದ ವಿದ್ಯಾರ್ಥಿಗಳಿಗೆ ಹೊರಪ್ರಪಂಚದ ವ್ಯವಹಾರ ಜ್ಞಾನವೂ ಇರುವುದರಿಂದ ಜಗತ್ತಿನ ಯಾವುದೇ ಮೂಲೆಯಲ್ಲಿ ತಮ್ಮನ್ನು ಬಿಟ್ಟರೂ ಬದುಕಬಲ್ಲೆವು ಎಂಬ ಆತ್ಮವಿಶ್ವಾಸ ಮೂಡಿರುತ್ತದೆ, ಮತ್ತು ಈ field work ನಲ್ಲಿ ವಿದ್ಯಾರ್ಥಿಗಳಿಗೆ ಸಾಮಾಜಿಕ ಸಮಸ್ಯೆಗಳಾದ ಮಹಿಳೆಯರ ಮತ್ತು ಮಕ್ಕಳ ಸಾಗಾಟ, ಬಾಲ್ಯ ವಿವಾಹ, ಬಾಲಕಾರ್ಮಿಕ ಮಕ್ಕಳ ಸಮಸ್ಯೆ, ಹೀಗೆ ಹಲವಾರು ಸಮಸ್ಯೆಗಳ ವಿರುದ್ಧ ಹೇಗೆ ಹೋರಾಡಬೇಕು ಎಂಬುದನ್ನು ಪ್ರಯೋಗಾತ್ಮಕವಾಗಿ ಕಲಿಸಿಕೊಡಲಾಗುತ್ತದೆ, ಇದರಿಂದ ವಿದ್ಯಾರ್ಥಿಗಳು ತಮ್ಮನ್ನು, ತಮ್ಮ ಸಮಾಜವನ್ನು, ತಮ್ಮ ದೇಶವನ್ನು ಮುನ್ನಡೆಸಲು  ಸಿದ್ಧರಾಗುತ್ತಾರೆ.

BSW ಅಲ್ಲಿ ವಿದ್ಯಾರ್ಥಿಗಳು ಸಮಾಜಕಾರ್ಯ, ಸಮಾಜಶಾಸ್ತ್ರ, ಮಾನವಶಾಸ್ತ್ರ, ಅರ್ಥಶಾಸ್ತ್ರ, ಮಾನವನ ಅಭಿವೃದ್ಧಿ ಮತ್ತು ಬೆಳವಣಿಗೆ, ರಾಜ್ಯಶಾಸ್ತ್ರ, ಇತಿಹಾಸ, ಸಂಖ್ಯಾಶಾಸ್ತ್ರ, ವಿಜ್ಞಾನ, ಸಮಾಜ ವಿಜ್ಞಾನ, ಪರಿಸರ ವಿಜ್ಞಾನ, ಮಾನವ ಸಂಪನ್ಮೂಲ ನಿರ್ವಹಣೆ, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ,ಭಾರತದ ಸಂವಿಧಾನ, ಜೀವನ ಕೌಶಲ್ಯ, ಸಂವಹನ ಕೌಶಲ್ಯ ಹೀಗೆ ಹತ್ತು ಹಲವು ಕ್ಷೇತ್ರಗಳ, ವಿಷಯಗಳ ಬಗ್ಗೆ ಕಲಿಯಬಹುದು ಇದರಿಂದ ಒಂದೇ ವಿಷಯಕ್ಕೆ ವಿದ್ಯಾರ್ಥಿಗಳು ಸೀಮಿತವಾಗದೆ ಅನೇಕ ವಿಚಾರಗಳನ್ನು ಕಲಿಯಬಹುದು, field work ನ ಮೂಲಕ ಅನೇಕ NGO ಗಳಿಗೆ ಭೇಟಿ ನೀಡಿ ಸಮಾಜದ ಸಮಸ್ಯೆಗಳ ಅಧ್ಯಯನವನ್ನು ಪ್ರಯೋಗಾತ್ಮಕವಾಗಿ ಮಾಡಬಹುದು ಮತ್ತು ಇಲ್ಲಿ ಬಹುಮುಖ್ಯವಾಗಿ ಹತ್ತಾರು ಜನರಿಂದ ಹಿಡಿದು ನೂರಾರು ಜನರ ಮುಂದೆ ಮಾತನಾಡಲು ನಮ್ಮ stage fear ಅನ್ನು ಹೋಗಲಾಡಿಸಲು ಅನೇಕ ಅವಕಾಶಗಳು ದೊರೆಯುತ್ತವೆ, ಮತ್ತು ನಾವೇ ಕಾರ್ಯಕ್ರಮಗಳನ್ನು ಆಯೋಜನೆ ಮಾಡುವುದನ್ನು ಕಲಿಯಬಹುದಾಗಿದೆ, BSW ಅಲ್ಲಿ ಭಾಷಾ ವಿಷಯಗಳು ಮತ್ತು ಎಲ್ಲಾ ಕೋರ್ಸ್ ಗಳಿಗೂ ಅನ್ವಯವಾಗುವ ಕಡ್ಡಾಯ ವಿಷಯವನ್ನು ಬಿಟ್ಟು 2 ವಿಷಯಗಳು ಮಾತ್ರ ಲಿಖಿತ ರೂಪದ ಪರೀಕ್ಷೆ (written exam) ಮತ್ತು ಒಂದು ವಿಷಯ ಮಾತ್ರ ಮೌಖಿಕ ರೂಪದ ಪರೀಕ್ಷೆ (oral exam) ಬರೆಯಬೇಕಾಗುತ್ತದೆ, ಇದರಿಂದ ಓದಲು ಸಹ ಕಷ್ಟವೆನಿಸುವುದಿಲ್ಲ.

BSW / MSW ಓದಿದ ಮೇಲೆ ಖಾಸಗಿ ವಲಯ, ಸರ್ಕಾರಿ ವಲಯ, ಸರ್ಕಾರೇತರ ವಲಯ, ಆರೋಗ್ಯ ಮತ್ತು ಮನೋರೋಗದ ವಲಯ, ತಿದ್ದುಪಡಿ ವಲಯ, ಆಪ್ತಸಮಾಲೋಚನಾ ವಲಯ, ಯುವಕರ ಅಭಿವೃದ್ಧಿ ವಲಯ, ಸಮುದಾಯ ಅಭಿವೃದ್ಧಿ ವಲಯ, ಹಿಂದುಳಿದ ಮತ್ತು ದುರ್ಬಲ ವರ್ಗಗಳ ಅಭಿವೃದ್ಧಿ ವಲಯ, ಕುಟುಂಬ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ವಲಯ, ಸಮಾಜ ಕಲ್ಯಾಣದ ವಲಯ, ಉದ್ಯಮ ವಲಯ, ಶಾಲಾ-ಕಾಲೇಜು- ವಿಶ್ವವಿದ್ಯಾಲಯದ ಬೋಧನಾ ವಲಯ, ಸ್ವಯಂ ಉದ್ಯೋಗ ವಲಯ, ಪತ್ರಿಕೋದ್ಯಮ ವಲಯ ಹೀಗೆ ನೂರಾರು ವಲಯಗಳಲ್ಲಿ ಉದ್ಯೋಗಗಳು ಸಿಗುವುದು ಖಚಿತವಾಗಿರುತ್ತದೆ.

ದ್ವಿತೀಯ ಪಿಯುಸಿಯಲ್ಲಿ ಕಾಮರ್ಸ್, ಸೈನ್ಸ್, ಆರ್ಟ್ಸ್, ತೆಗೆದುಕೊಂಡ , ಐಟಿಐ, ಡಿಪ್ಲೋಮಾ ಮಾಡಿದ ಯಾವುದೇ ವಿದ್ಯಾರ್ಥಿಗಳು ಈ BSW ಕೋರ್ಸನ್ನು ಓದಬಹುದು, ಶಿವಮೊಗ್ಗದ ವಿದ್ಯಾರ್ಥಿಗಳಿಗಾಗಿ ದುರ್ಗಿಗುಡಿಯ ಕಟೀಲ್ ಅಶೋಕ್ ಪೈ ಸ್ಮಾರಕ ಕಾಲೇಜು, ವಿದ್ಯಾನಗರದ ಸಹ್ಯಾದ್ರಿ ಕಾಲೇಜು, NR ಪುರ, ಅಜ್ಜಂಪುರ, ಶಿಕಾರಿಪುರದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುಗಳಲ್ಲಿ ಈ BSW ಕೋರ್ಸ್ ಲಭ್ಯವಿದೆ ಮತ್ತು ಶಂಕರಘಟ್ಟದ ಕುವೆಂಪು ವಿಶ್ವವಿದ್ಯಾಲಯದಲ್ಲಿ MSW ಕೋರ್ಸ್ ಲಭ್ಯವಿದೆ, ಶಿವಮೊಗ್ಗದ ವಿದ್ಯಾರ್ಥಿಗಳು BSW ಕೋರ್ಸ್ ನ ಸದುಪಯೋಗ ಪಡೆದುಕೊಳ್ಳಿರಿ ಮತ್ತು ಸಮಾಜವನ್ನು ಕಟ್ಟುವ, ಮುನ್ನಡೆಸುವ ಸಮಾಜ ಕಾರ್ಯಕರ್ತರಾಗಿ.

 (ಕರ್ನಾಟಕದ ಎಲ್ಲಾ ವಿಶ್ವವಿದ್ಯಾಲಯಗಳಲ್ಲೂ ಮತ್ತು ಅನೇಕ ಕಾಲೇಜುಗಳಲ್ಲೂ ಈ ಕೋರ್ಸ್ ಲಭ್ಯವಿದೆ)

ನಾಗೇಂದ್ರ,

ಪ್ರಥಮ ವರ್ಷದ BSW ವಿದ್ಯಾರ್ಥಿ,

ಕಟೀಲ್ ಅಶೋಕ್ ಪೈ ಸ್ಮಾರಕ ಕಾಲೇಜು,ಶಿವಮೊಗ್ಗ,

ಅಮ್ಮ ಎನ್ನುವ ಸಂಭ್ರಮ

2 Comments on ಅಮ್ಮ ಎನ್ನುವ ಸಂಭ್ರಮ

ಅಮ್ಮ ಎನ್ನುವ ಸಂಭ್ರಮ

ಅಕ್ಕರೆಯಿಂದ ಆಶೀರ್ವದಿಸಿ ಆನಂದಿಸಿ ಅಪ್ಪಿಕೊಳ್ಳುವವಳೇ ಅಮ್ಮ…

ನನ್ನೆಲ್ಲ ನೋವಿಗೆ ನಗುವಾಗಿ ನನ್ನೆಲ್ಲ ಗೆಲುವಿಗೆ ಗುರುವಾಗಿ ನನ್ನೆಲ್ಲ ಭಾವಕ್ಕೆ ಮಗುವಾಗಿ ಸ್ಪಂದಿಸುವವಳೇ ಅಮ್ಮ…

ನನ್ನೆಲ್ಲ ನೆನಪುಗಳಲ್ಲಿ ಅಚ್ಚಳಿಯದೆ ಅಚ್ಚಾಗಿರುವವಳು ನನ್ನಮ್ಮ…

ನನ್ನೆಲ್ಲ ಕನಸನ್ನ ನನಸಾಗಿಸುವ ಹಾದಿಯಲ್ಲಿ ಕಠೋರತೆಯ ಮೆಟ್ಟಿಲನ್ನ ಮೆಟ್ಟಿ ನಿಂತವಳು ನನ್ನಮ್ಮ…

ಗುರುವಾಗಿ, ಗೆಲುವಾಗಿ, ವರವಾಗಿ, ಪರವಾಗಿ, ನನಗೆ ಸರಿಯಾಗಿ ನಿಂತವಳವಳೇ ನನ್ನಮ್ಮ……

ವಿದ್ಯಾಶ್ರೀ , ಪ್ರಥಮ ಎಂ, ಎಸ್ಸಿ , ಮನೋವಿಜ್ಞಾನ ವಿದ್ಯಾರ್ಥಿನಿ,

ಸ್ತ್ರೀ ನಿನ್ನ ಹೊಗಳಲು ಬೇರೆ ಪದಗಳುಬೇಕೆ “ಅಮ್ಮ” ಎಂಬ ಎರಡಕ್ಷರದ ಪದವೇ ಸಾಕೆ….

ಸುಪ್ರಿಯಾ L, ಪ್ರಥಮ ಎಂ, ಎಸ್ಸಿ , ಮನೋವಿಜ್ಞಾನ ವಿದ್ಯಾರ್ಥಿನಿ,

ಅಮ್ಮಾ ಎಂದಾಕ್ಷಣ ಕಣ್ಣಂಚಲ್ಲಿ ಆ ಪ್ರೀತಿ ಮಮತೆ ವಾತ್ಸಲ್ಯ ಎಲ್ಲವೂ ಒಂದು ಬಾರಿ ಪಟದಂತೆ ಹಾಸಿ ಹೋಗುತ್ತದೆ.

ಆದರೆ ಇದೆಲ್ಲದರ ಹೊರತಾಗಿ ಅಮ್ಮಾ ಎಂದರೆ.. ಮಾಂಸದ ಮುದ್ದೆಗೆ ಜೀವನಿತ್ತವಳು, ಜೀವಕ್ಕೆ ಜನುಮನಿತ್ತವಳು,

ಆ ಜೀವವು ಹೇಗೆ ಜೀವನ ನಡೆಸಬೇಕೆಂದು ದಾರಿ ತೋರಿದವಳು ಬಿದ್ದಾಗ ಎದ್ದೇಳು ಕುಗ್ಗಬೇಡ ಮುನ್ನುಗ್ಗು ಎಂದು ಹೇಳಿದವಳು..

ಗೆದ್ದಾಗ ಖುಷಿಪಟ್ಟು ಬೆನ್ನುತಟ್ಟಿ ಹಿಗ್ಗಬೇಡ ಎಂದು ಕಿವಿಮಾತು ಹೇಳಿದವಳು..

ಕಂದನ ಖುಷಿಯಲ್ಲಿ ತಾ ಸಂತಸಪಟ್ಟಳು. ಕಂದನ ದುಃಖದಲ್ಲಿ ತಾ ಅತ್ತವಳು…

ಅಮ್ಮಾ ಎನ್ನುವ ಎರಡು ಅಕ್ಷರಕ್ಕೆ ಸಾಕ್ಷಿಯಾದವಳು.

ಪ್ರಣಮ್ಯ B M, ಪ್ರಥಮ ಎಂ, ಎಸ್ಸಿ , ಮನೋವಿಜ್ಞಾನ ವಿದ್ಯಾರ್ಥಿನಿ,

ಅಮ್ಮನ ಪ್ರೀತಿಗೆ ಆಕಾಶದಷ್ಟು ಮಿತಿಯುಂಟೆ?

ಅಮ್ಮನ ಕರ್ತವ್ಯಕ್ಕೆ ದೇವರೇ ಕೈ ಮುಗಿದದ್ದು ಗೊತ್ತೇ?

ಎಲ್ಲಾ ಸಂಬಂಧಗಳಿಗೂ ಕೇಂದ್ರ ಬಿಂದು ಅಮ್ಮ,

ಅವಳಿಂದಾನೇ ಜೀವರಾಶಿಗಳ ವಂಶ ಬೆಳೆಯುವುದಮ್ಮ,

ಭದ್ರತೆಯ ಭಾವ ನಿರಾಳ ಮನಸ್ಸು ಭವಿಷ್ಯದ ಕನಸು,

ಸುಗಮ ಉಸಿರಾಟಕ್ಕೆ ಅವಳ ಪ್ರೀತಿಯೇ ಸೊಗಸು,

ಈ ಪ್ರತಿ ಉಸಿರಿಗೂ ಅಮ್ಮನ ಋಣವಿದೆ,

ಅಮ್ಮನಿದ್ದರೆ ಯೋಧನಷ್ಟು ಶಕ್ತಿ ಇದೆ,

ಆ ದೇವರಿಗೂ ಅಮ್ಮ ಬೇಕು,

ಆ ಅಪ್ಪುಗೆಯ ತಲೆ ನೇವರಿಸುವ ಕೈಗಳು ಬೇಕು,

ಅಮ್ಮನ ಮಾತು ಸುಳ್ಳನ್ನು ಸತ್ಯ ಮಾಡೀತು!

ನಂಬಿಕೆಯ ಆತ್ಮಕೆ ಬುನಾದಿ ಆದೀತು!

ನೋವಿನಲ್ಲೂ ದೇವರಿಗಿಂತ ಮೊದಲು ಅಮ್ಮ ಬಂದಾಳ,

ಇದು ಮನುಷ್ಯ ಸಂಕುಲದ ಎಲ್ಲಾ ಜೀವಿಗಳ ಜೀವಾಳ..

ಸಾಂಘವಿ ಆರ್ ಶಂಕರ, ಪ್ರಥಮ ಎಂ, ಎಸ್ಸಿ , ಮನೋವಿಜ್ಞಾನ ವಿದ್ಯಾರ್ಥಿನಿ,

ತ್ಯಾಗಮಹಿ ತಾಯಿ

ತಾಯಿ ಎನ್ನುವುದಕ್ಕಿಂತ “ಅಮ್ಮ”, ಈ ಪದ ಮನಸ್ಸಿಗೆ ಹೆಚ್ಚು ಹತ್ತಿರ.

ನಮಗೆಲ್ಲ ತಿಳಿದಿರುವ ಹಾಗೆ ನನ್ನಮ್ಮ,,ನಿಮ್ಮಮ್ಮ ಹಾಗೂ

ಎಲ್ಲರ ಅಮ್ಮಂದಿರು ತ್ಯಾಗಮಹಿಯರೇ, ನಮ್ಮ, ನಿಮ್ಮನ್ನು ಈಗಲೂ ಕೂಸಿನಂತೆ

ಪ್ರೀತಿಸುವ, ನಮ್ಮ ಕ್ಷೇಮಾಭಿವೃದ್ಧಿಗಾಗಿ  ಸದಾ ಚಡಪಡಿಸುವ  ತಾಯಿಯ ಗುಣ ಕೇವಲ

ಮಾನನಕುಲಕ್ಕೆ ಮಾತ್ರ  ಅನ್ವಯಿಸುವುದಿಲ್ಲ. ಪ್ರತಿಯೊಂದು ಜೀವಸಂಕುಲದಲ್ಲಿರುವ

 ತಾಯಿಯಲ್ಲು ಕಾಣಬಹುದಾಗಿದೆ. ಉದಾಹರಣೆಗೆ ,  ನಮ್ಮ ಮನೆಯಲ್ಲಿದ್ದ ಕೋಪಿಷ್ಟ ಹೆಣ್ಣು ಬೆಕ್ಕನ್ನೆ ತೆಗೆದುಕೊಳ್ಳುವ,

ಗುರ್ರ್ ಎನ್ನುತ್ತ,  ಸದಾ ತನ್ನದೆ ಪ್ರಪಂಚದಲ್ಲಿರುತ್ತಿದ್ದ ಅವಳು, ಈಗ ಎರಡು ಮರಿಗಳ

ತ್ಯಾಗಮಹಿ ತಾಯಿ. ತನ್ನ ನಿದ್ದೆ, ಆಹಾರ, ಆಟ, ಬೇಟೆ ಎಲ್ಲವನ್ನು ತ್ಯಜಿಸಿ ಹಗಲು ರಾತ್ರಿಯನ್ನದೆ

ತನ್ನ ಮರಿಗಳ ಕಾವಲು ಕಾಯುತ್ತ , ಪೋಷಣೆ ಮಾಡುತ್ತಿದ್ದಾಳೆ.  ತಾಯಿಯ ಬಗ್ಗೆ ಎಷ್ಟು

ಬರೆದರು ಸಾಲದು ಎಂದು ತಿಳಿದಿದ್ದರೂ ಈ ನನ್ನ  ಪುಟ್ಟ ಪ್ರಯತ್ನವನ್ನು ನನ್ನ ತ್ಯಾಗಮಹಿ ತಾಯಿಗೆ

ಅರ್ಪಿಸುತ್ತಿದ್ದೇನೆ.

ರಾಧಿಕ.ಎಸ್. ಜೋಷಿ,  ಅಂತಿಮ ವರ್ಷ, ಬಿ.ಎ, ವಿದ್ಯಾರ್ಥಿನಿ, 

ನಮ್ಮೆಲ್ಲ ಚೇಷ್ಟೆ, ಕಾಟ ಸಹಿಸ್ಕೊಳೋ,

ಕೇಳ್ದೆ ಇದ್ರು ಎಲ್ಲ ಕೊಡೋ “ಕರುಣಾಮಯಿ”. ♥

ಸ್ವಾರ್ಥ ಅಂದ್ರೇನು ಅಂತನೆ ಗೊತ್ತಿಲ್ದೆ ಇರೋ ಜೀವ..   

ಅದುವೇ ಅಮ್ಮ…  ಅಮ್ಮ ಅಂದ್ರೆ ಸರ್ವಸ್ವ”. 

ಮಧುಶ್ರಿ, ದ್ವೀತಿಯ ಬಿ ಎ ,  ವಿಧ್ಯಾರ್ಥಿನಿ ,

ನೋವುಂಡಿ ನಲಿವು ನೀಡಿದವಳು ನನ್ನಮ್ಮ 🤰

ನನ್ನ ನಗುವ ಕಂಡು, ಜಗವ ಮರೆತಳು

ನನ್ನೊಲವಿನಮ್ಮ 🤱

ಸ್ವಾರ್ಥವೇ ಇಲ್ಲದ ಸ್ಫೂರ್ತಿಯ ಒಡತಿ

ಆ ನನ್ನ ಚಿಲುಮೆಯ ಅಮ್ಮ 🧎‍♀️

ಕಂಡ ಕನಸೆಲ್ಲವ ನನಗೆಂದೆ ಧಾರೆ ಎರೆದ ನನ್ನೊಲವಿನ ಅಮ್ಮ 🚶‍♀️

ತನ್ನ ಬೆವರಿನೊಳಗೆ

ಭಾವನೆಗಳನ್ನು ತುಂಬಿ ಸುರಿದವಳು ನನ್ನಮ್ಮ 🤩

ಪ್ರತೀ ಹೆಜ್ಜೆ ನಾ ನಡೆದ ಜಾಗದಲ್ಲೇ

ತನ್ನ ಜಗವ ಕಾಣುವಳು ನನಮ್ಮ 👣

ಆಸೆಗಳೊಂದಿಗೆ ಅವಕಾಶಗಳನ್ನು

ಆಮಂತ್ರಣವಾಗಿ ಕೊಡುತಿಹಾಳು ನನ್ನಮ್ಮ 💆

ಸರ್ವಸ್ವವನೆ ಸಾಂಗವಾಗಿ

ಸಮರ್ಪಿಸಿದವಳು ನನ್ನಮ್ಮ 💫

ಅಣಕಿಸಿದವರ ಮುಂದೆಯೇ

ಅರಳುವ ಹೂವಗ ಬೇಕೆಂದು

ಹರಸಿದವಳು ನನ್ನಮ್ನ 🦾

ಹಡೆದವಳಾಗಿ, ಗೆಳತಿಯಾಗಿ,

ಮನೆಯ ಒಡತಿಯಾಗಿ,

ಅಂದಿಗೂ, ಇಂದಿಗೂ, ಎಂದೆಂದಿಗೂ ಇರುವೇ

ನನ್ನ ನಲ್ಮೆಯ ತಾಯಿಯಾಗಿ. 😘

🥰ಅಮ್ಮಂದಿರ ದಿನದ ಹಾರ್ಧಿಕ ಶುಭಾಶಯಗಳು 💫

ಭಾರ್ಗವಿ G R , ಪ್ರಥಮ ಬಿ ಎ, ವಿದ್ಯಾರ್ಥಿನಿ,

ನನ್ನ ಪಾಲಿಗೆ  ದೇವರು ಅಂದರೆ ನನ್ನ ಅಮ್ಮ ಎಲ್ಲ ತೊಂದರೆಗಳಿಂದ  ಪಾರುಮಾಡುತಾರೆ ಈ ನನ್ನ ಅಮ್ಮ 🤱🏻        

ನೀನು ನನ್ನ ದೇವರು❤️🤱🏻

ನಮಗಾಗೇ ಸುರಿಸುವೆ ಬೇವರು

ನಮನ್ನು ಕಾಯಲು ನೀನು ಯಾವಾಗಲು ತಯಾರು

ನೀನೇ  ನಮಗೆ ಪವರು⚡

ಅಮ್ಮಂದಿರ ದಿನದಲೀ ಕಟುತ್ತೆವೇ ನಿಮಗೆ ಪ್ರೀತೀಯ ತೇರು 🗼❤️

ಉಸಿರು ನಿಲ್ಲೋ ತನಕ ಪ್ರೀತೀಸೋ ಒಂದು  ಜೀವ ಅಂದರೆ  ಅದು ತಾಯೀ  ಮಾತ್ರ

ಎಲ್ಲರಿಗೂ ಅಮ್ಮಂದಿರ  ದಿನದ ಶುಭಾಶಯಗಳು🤱🏻

ಭವಾನಿ S U, ಪ್ರಥಮ ಬಿ ಎ, ವಿದ್ಯಾರ್ಥಿನಿ,

ಹೊರುವಳು ನಿನ್ನ ಗರ್ಭದಲಿ ನವಮಾಸ,

ಕಾಣಹೋರಾಟಳು ನಿನ್ನೆಡೆಗೆ ನೊರೆಂಟು ಕನಸ,

ಮರೆವಳು ಅವಳ ನೋವ ನೋಡಿ ನಿನ್ನ ನಗುವಿನ ಮಂದಹಾಸ,

ಅರ್ತಾಯಿಸುವಳು ಪ್ರಪಂಚಾವ ಸಮಾಜದೊಂದಿಗ ಸೇನೆಸಾಡುತ,

ಬೆಂಬಲಿಸುವಳು ನಿನ್ನ ಕನಸುಗಳಿಗೆ ರೆಕ್ಕೆಯ ಕಟ್ಟುತ,

ಪ್ರತಿ ಕ್ಷಣವು ನಿನಗಾಗಿ ಚಡಪಡಿಸುತಾ,

ಸ್ವಾರ್ಥಿಗಳ ಪ್ರಪಂಚದಲಿ ನಿನಗಾಗಿ ಪ್ರಾರ್ಥಿಸುತ…..

ಅಮ್ಮ ಈ ಪದವೇ ಒಂದು ಅದ್ಬುತ..

ಸುಷ್ಮಿತಾ P,  ಪ್ರಥಮ ಬಿ ಎ, ವಿದ್ಯಾರ್ಥಿನಿ,

ಹುಟ್ಟುವಾಗ “ಅಮ್ಮ “

ಅಳುವಾಗ “ಅಮ್ಮ “

ನಗುವಾಗ “ಅಮ್ಮ “

ಬಿದ್ದಾಗ “ಅಮ್ಮ “

ನಾವು ಎಲ್ಲಿದ್ದರೂ ಯಾವಾಗಲೂ ಜೊತೆ ಇರುತ್ತಾರೆ  “ಅಮ್ಮ “

ಕಾರಣ ಅವರಿಂದಲೇ ಸಿಕ್ಕಿದೆ ನಮಗೆ ಈ “ಜನ್ಮ “

ಸುದೀಪ. ಡಿ, ಪ್ರಥಮ ಬಿ ಎಸ್ ಡಬ್ಲ್ಯೂ, ವಿದ್ಯಾರ್ಥಿ, 

ಕಷ್ಟವೇ ಬಂದ್ರು, ಸುಖನೆ ಇದ್ರೂ  ನಿನೊಂದಿಗಿರುವವಳು ನೆರಳಿನಂತೆ…

ನೀ ಓಡಿದರು,  ನೀ ನಡೆದರು

ನಿನ್ನ ಹಿಂದೆಯೇ ಬರುವಳು

ಹೆಜ್ಜೆ ಗುರುತಿನಂತೆ.🤱

 ತರುಣ್ T S, ಪ್ರಥಮ ಬಿ ಎಸ್ ಡಬ್ಲ್ಯೂ, ವಿದ್ಯಾರ್ಥಿ

ಮೋದಮೊದಲು ಅಂಬೆಗಾಲಾಕುತ ನಿನ್ನನೇ ಹುಡುಕುತಲಿದ್ದೇನು ನಾನು,

ನಂತರ ಗೋಡೆಯನ್ನು ಹಿಡಿದು ನಡೆಯಲು ಕಲಿಸಿದವಳು ನೀನು,

ಆಮೇಲೆ ನಿನ್ನ ಸೀರೆಯ ಸೆರಗನ್ನು ಹಿಡಿದು ನಿನ್ನಿಂದ ಓಡಾಡಿದೇನು ಅಮ್ಮ,

ಎಲ್ಲಿ ನನ್ನ ಕಾಲಿಗೆ ನೋವಾಗುವುದೆಂದು ನಿನ್ನ

ಮಡಿಲಲ್ಲಿ ಕೂರಿಸಿಕೊಂಡು ಸುತ್ತಿದವಳು ನೀನು

ನೀ ಜೊತೆಯಲಿ ಇರುವೆ ಎಂಬ ನಂಬಿಕೆಯಿಂದಲೇ ನಾ ಬೆಳದಿರುವೆ

ಆದರೂ,

ನೀನಿಲ್ಲದೆ ನನ್ನ ಜೀವನ ಕಾಣುವುದು ಅನಾಥ ಶವವಾಗಿ,

ಈ ಭೂಮಿಯಲ್ಲಿ ನನಗೆ ಜನ್ಮ ನೀಡಿದ ನೀನು ಸಹೃದಯಿ….ಅಮ್ಮ!

ಉಸಿರು,ಹೆಸರು,ಬದುಕು ಕೊಡುವವಳು__!

ಹಸಿದಾಗ ಹಸಿವ ನಿಗಿಸುವವಳು__!

ಎಲ್ಲವನ್ನೂ ಸಹಿಸಿ ಸಲಹುವವಳು ನಮ್ ಅಮ್ಮ!

ನಾವು ಗೆದ್ದಾಗ ತಾನೇ ಗೆದ್ದಂತೆ ಸಂಭ್ರಮಿಸುವವಳು

ನಾವು ಸೋತಾಗ ಆತ್ಮಸ್ಥೈರ್ಯ ತುಂಬುವವಳು

ಕನಸಿನಲ್ಲು ನಮ್ಮನು ಕಾಯುವವಳು……ಅಮ್ಮ_!

“ನಾನೆಂದೂ ನಿನಗೆ ಚಿರಋಣಿ _ಅಮ್ಮಾ!!”

ಅಂಜಲಿ ನಾ ಜಲಾಟಿಗೌಡ್ರ, ಪ್ರಥಮ ಬಿ ಎ, ವಿದ್ಯಾರ್ಥಿನಿ,

ನನ್ನ ಗುರು ನನ್ನ ತಾಯಿ……..

ಒಂದು ಪುಟ್ಟ ಕಥೆ, ಸುಮಾರು ಎರಡೂವರೆ ವರ್ಷಗಳ ಹಿಂದೆ ಪ್ರಥಮ ಪಿಯುಸಿ ಅಡ್ಮಿಷನ್ ಗಾಗಿ 25 ಸಾವಿರ ರೂಪಾಯಿಗಳನ್ನು ಎರಡರಿಂದ ಮೂರು ದಿನಗಳಲ್ಲಿ ಕೊಡಲು ನನ್ನ ಅಮ್ಮನಿಗೆ ಹೇಳಿದ್ದೆ, ದುರಾದೃಷ್ಟವಶಾತ್ ಅದನ್ನು ಹೊಂದಿಸಲು ನನ್ನ ತಾಯಿಗೆ ಆಗಲಿಲ್ಲ, ಅದಕ್ಕಾಗಿ ನಾನು ಬಾಯಿಗೆ ಬಂದಂತೆ ನಮ್ಮಮ್ಮನಿಗೆ ಬೈದು ಬಿಟ್ಟೆ, ಇದಾಗಿ ಎರಡುವರೆ ವರ್ಷ ಕಳೆಯಿತು ಪ್ರಥಮ ವರ್ಷದ ಡಿಗ್ರಿಗೆ ಅಡ್ಮಿಶನ್ ಆಗಿ ಮನೆಗೆ ಬಂದು ಕುಳಿತಾಗ ನನ್ನ ತಾಯಿ ಸಮಾಧಾನದಿಂದ ಕೇಳಿದರು “ಭವಿಷಃ 2 ವರ್ಷ ಕಳೆದಿರಬಹುದು, ನಿನಗೆ ಈಗ 25000 ದ ಬೆಲೆ ಗೊತ್ತಾಯ್ತಾ ಪುಟ್ಟ” ಎಂದು,ಅವತ್ತು ನನ್ನ ಮನಸ್ಸಿಗೆ ಬೇಜಾರಾಗುತ್ತದೆ ಎಂದು ಈ ಪ್ರಶ್ನೆಯನ್ನು ನಮ್ಮಮ್ಮ ಕೇಳದೆ ಇದಿದ್ದರೆ ನನಗೆ ನನ್ನ ತಪ್ಪಿನ ಅರಿವೇ ಆಗುತ್ತಿರಲಿಲ್ಲ,ಈ ಪ್ರಶ್ನೆಯನ್ನು ಕೇಳಿದಾಗ ನನಗೆ ಒಮ್ಮೆಲೆ ಯಾರೋ ಕೆನ್ನೆಗೆ ಹೊಡೆದಂತೆ ಆಯಿತಾದರೂ ನಮ್ಮಮ್ಮನಿಗೆ ಅಳುಕುತಲೇ ಉತ್ತರ ಕೊಟ್ಟೆ,”ನನಗೆ 25000 ದುಡಿಯಲು ಒಂದಷ್ಟು ತಿಂಗಳುಗಳೇ ಬೇಕಾಯಿತು, ಆದರೆ ನಾನು ನಿನಗೆ ಎರಡರಿಂದ ಮೂರು ದಿನದಲ್ಲಿ ಅಷ್ಟೊಂದು ಹಣ ಕೊಡಲು ಕೇಳಿದರೆ ನೀನು ಎಲ್ಲಿಂದ ಕೊಡುತ್ತೀಯಾಮ್ಮ, ಅವತ್ತು ದುಡ್ಡಿನ ಬೆಲೆ ನನಗೆ ಗೊತ್ತಿರಲಿಲ್ಲ, ನೀನು ನನ್ನನ್ನು ಇಲ್ಲಿಯತನಕ ಓದಿಸುವುದಕ್ಕೆ ಎಷ್ಟು ಕಷ್ಟಪಟ್ಟಿದ್ದೇ ಅಂತಲೂ ಗೊತ್ತಿರಲಿಲ್ಲ, ಅವತ್ತಿನ ಎಲ್ಲ ಮಾತುಗಳಿಗೂ ನನ್ನ ಕ್ಷಮಿಸಮ್ಮ” , ಎಂದು ಕೇಳಿದೆ, ತಾಯಿಯ ಗುಣವೇ ತಮ್ಮ ಮಕ್ಕಳು ಏನು ತಪ್ಪು ಮಾಡಿದರೂ ತಿದ್ದಿ ಬುದ್ಧಿ ಹೇಳುವುದು, ನಮ್ಮಮ್ಮ ಒಂದು ನಿಮಿಷವೂ ನನ್ನ ಮೇಲೆ ಬೇಜಾರು ಮಾಡಿಕೊಳ್ಳದೆ ನನ್ನ ಕ್ಷಮಿಸಿದರು.

ಇದರಿಂದ ಕಲಿತದ್ದು ನಾವು ಎಷ್ಟೇ ಕಲಿತರೂ, ಏನನ್ನೇ ದುಡಿದರೂ, ಎಷ್ಟೇ ಎತ್ತರಕ್ಕೆ ಬೆಳೆದರೂ, ಅವನ್ನೆಲ್ಲ ತಂದು ನಮ್ಮ ತಾಯಿಯ ಪದತಲಕ್ಕೆ ಹಾಕಿದಾಗ ಅವರ ಅನುಭವದ ಹತ್ತು ಪರ್ಸೆಂಟ್ ಸಹ ಆಗಲಾರದು.

ನನ್ನ ತಾಯಿಗೂ ಮತ್ತು ನನ್ನ ದೇಶದ ಎಲ್ಲ ತಾಯಂದಿರಿಗೂ  ತಾಯಂದಿರ ದಿನದ ಒಂದು ದಿನದ ಶುಭಾಶಯವಲ್ಲಾ, ಬದುಕಿರುವವರೆಗೂ ಪ್ರತಿದಿನವು ಶುಭಾಶಯಗಳು ಮತ್ತು ಶತ ಶತ ನಮನಗಳು ………..🙏🙏🙏

ನಾಗೇಂದ್ರ T R , ಪ್ರಥಮ ಬಿ ಎಸ್ ಡಬ್ಲ್ಯೂ, ವಿದ್ಯಾರ್ಥಿ, 

To her,

Who always makes me feel

I’m exceptional.

Needless to verse,

You arrayed all the good.

You ushered,

How’s to be

Sturdy in life.

Going against the odds,

You taught to be

Adamant about the desires.

Couldn’t I be venturous,

Without you.

‘You’, you are unexampled.

Devika, 2nd Year MSc Psychology

 

I Know THANK YOU is

Such a small world for all

That you have done for me.

I cannot promise

You all the happiness

In the world,

But I will try my best to keep

You happy and make sure not

To bring a single tear to your eyes.

Love you lot Amma

Happy Mother’s day

Sinchana J S,  1st Year BA,

Maa,

With you by my side, every hurdle sails with ease ,

with you by my side even the thirst quenches without water,

with you by my side my appetite is knocked with your nourishment of care, with you by my side discomforts are bashed with comforts,

with you by my side my miseries are led to the path of agony,

with you by my side the snow enfolds me with warmth of your affection,

with you by my side the world ceases to exist,

with you by my side happiness is seated with it’s broken legs,

with you by my side the nightmares appear to be daydreams ,

with you by my side make my desires dissolve,

with you by my side, your presence makes the paradise shy away from its  contentment,

with you by my side makes everything in my life better just by being in it! No number of births can suffice my gratitude towards you, and the only way out is to be thankful to the lord for bestowing me with a treasure like you!! 

You are the most precious art and a blessing that i have ever laid my eyes on!!

Happy mother’s day maa!!

Ashwini M K, Final Year BA,

Amma, 

The word is itself filled with love and grace you offer, 

Those times when you starve for me and receive me with a good mood, 

Those days when you pour your heart out and cook delicious food, 

Those minutes where you spend thinking of me, 

How can I repay all of them? 

 All I can say is my love for you shall never end! 

Your loving Daughter

ANUPAMA S A R, 2nd Year MSc Psychology,

ಇವತ್ತು ಅಮ್ಮಂದಿರ ದಿನಾಚರಣೆ, ಈ ಒಂದು ದಿನ ಅವಳ ಸಂಭ್ರಮಕ್ಕೆ ಸೀಮಿತ ವಾಗದೆ ವರ್ಷದ 365 ದಿನಗಳು ಅವಳನ್ನು ಸಂತೋಷದಿಂದ ಇರುವಂತೆ ನೋಡಿಕೊಳ್ಳುವುದು ಪ್ರತಿಯೊಬ್ಬರ ಕರ್ತವ್ಯ,

ನಮ್ಮ ಕಾಲೇಜಿನ ವಿದ್ಯಾರ್ಥಿಗಳು ಅಮ್ಮನನ್ನು ಪ್ರೀತಿಯಿಂದ ಅಕ್ಷರಗಳಲ್ಲಿ  ವರ್ಣಿಸಿದ್ದಾರೆ, ಅವರ ಈ ಸಣ್ಣ ಪ್ರಯತ್ನಕ್ಕೆ ಅಭಿನಂದನೆಗಳು,

ಧನ್ಯವಾದಗಳೊಂದಿಗೆ, ಆಡಳಿತ ಮಂಡಳಿ ಮತ್ತು ಸಿಬ್ಬಂದಿ ವರ್ಗ, ಕಟೀಲ್ ಅಶೋಕ್ ಪೈ ಸ್ಮಾರಕ ಕಾಲೇಜು, ಶಿವಮೊಗ್ಗ.

Image 1-4 Credit: Google.com / Gubbi – AMMA-YouTube 

Image 5: Pranamya B M

ಯುಗಾದಿ ಎಂಬ ಹರುಷ 🌅

Leave a comment
Image Credit: google.com

ಯುಗಾದಿ ಎಂಬ ಹರುಷ 🌅

     ತುಂಬಾ ದಿನದಿಂದ ಕಾಯ್ತಾ ಇದ್ದೆ. ಎಂತಕ್ ಅಂತನಾ? ನಮ್ ಹೊಸ ವರ್ಷ ಯಾವಾಗ್ ಬರತ್ತೋ ಅಂತ ಅಂದ್ರೆ ನಮ್ ಸಂತಸದ ಹಬ್ಬ ಅದೇ ಯುಗಾದಿ 💫.

     ಯುಗಾದಿ ಅಂದ್ರೆ ಖುಷಿ, ಎಲ್ಲಿಲ್ಲದ ಉತ್ಸಾಹ. ಹಾಗಾದ್ರೆ ಏನಕ್ಕೆ ಇಷ್ಟೊಂದು ಆತುರದಿಂದ ನಾನ್ ಈ ಹಬ್ಬಕ್ಕೆ ಕಾಯ್ತಿರದು ಅಂತನಾ? ಹೌದು “ಹಳೆ ನೆನಪುಗಳೊಂದಿಗೆ ಹೊಸ ಯುಗಾದಿ, ಹೊಸ ಯುಗಾದಿಯಲ್ಲಿ ನವ ನೆನಪನ್ನ ಮೂಡಿಸೋಣ ಅಂತ”.ಸಣ್ಣವರಿದ್ದಾಗ ಅಜ್ಜ ಅಜ್ಜಿ, ಆ ಹಳ್ಳಿ, ಹಳ್ಳಿಯ ಸ್ನೇಹಿತರು, ಏನೆಲ್ಲಾ ತರ್ಲೆ, ತುಂಟಾಟ, ಕಿತ್ತಾಟ, ಅಬ್ಬಬ್ಬಾ! ಹಂಗೆ ಸರ್ಯಾಗ್ ಹಬ್ಬದ್ ನಮ್ ಗಲಾಟೆ ಪ್ರಯುಕ್ತ ನಮ್ಮೆಲ್ಲರಿಗೂ ಬಿಸಿಬಿಸಿ ಕಜ್ಜಾಯ, ಕಡುಬು ಕೂಡ ಸಿಕ್ತಿತ್ತು.      

ಅದೇ ಈಗ ನಾವೆಲ್ಲ ಕಾಲೇಜ್ ಸ್ಟೂಡೆಂಟ್ಸ್ ಅಲ್ವಾ? ಅಪ್ಪ ಅಮ್ಮ ಬೈದ್ರೆ, ಬುದ್ದಿ ಹೇಳಿದ್ರೆ ನಾವೇನ್ ಮಕ್ಳ? ಅಂತ ಕೂಗಾಡೋ ನಾವು ಹಬ್ದಲ್ಲಿ ಹಳೆ ನೆನಪಲ್ಲಿ ಸಣ್ಣವ್ರಾಗ್ಬಿಡ್ತಿವಿ. ಹಬ್ಬಗಳಲ್ಲಿ ಮೊದಲ್ನೆ ಹಬ್ಬನೇ ಯುಗಾದಿ ಹಿಂದೂಗಳಿಗೆ ಹೊಸ ವರ್ಷ. ಗೊತ್ತಲ್ವಾ? ಬೇಸಿಗೆ ಕಾಲ ಕತ್ತಲೆಗೆ ಅವಕಾಶನೇ ಇಲ್ಲ. ಅದೇ ಕಂಡ್ರೀ ನಮ್ ಯುಗಾದಿ special.

ಅಷ್ಟಲ್ದೆ ನಮ್ ದ. ರಾ. ಬೇಂದ್ರೆ ಅವ್ರು ಹೇಳ್ತಾರಾ?

“ಯುಗಾ ಯುಗಾದಿ ಕಳೆದರೂ, ಯುಗಾದಿ ಮರಳಿ ಬರುತಿದೆ. 💕

ಹೊಸ ವರುಷಕೆ ಹೊಸ ಹರುಷವ

ಹೊಸತು ಹೊಸತು ತರುತಿದೆ”. 💫

ಅಬ್ಬಾ!! ಅಂತೂ ಯುಗಾದಿ ಬಂದೇ ಬಿಡ್ತು.. ಹೊಸ ಭರವಸೆಗಳನ್ನ ಹೊತ್ತು ತರ್ತಾ ಇದೆ. ಹಿಂದೆಲ್ಲಾ ಅಜ್ಜ ಅಜ್ಜಿ ಮುಂಜಾನೆ ನೇ ಎದ್ದೇಳಿ ಅಂತ ಬಂದ್ರೆ ಮತ್ತೆ bed sheet ಮುಚ್ ಹಕೊಂಡ್ ಮಲ್ಗ್ ತಿದ್ವಿ.. ಆದ್ರೂ ಎಬ್ಸಿ ಒಳ್ಳೆ ಎಣ್ಣೆ ಸ್ನಾನ ಮಾಡ್ಸಿ ಹೊಸ ಬಟ್ಟೆ ಅದು ಅಜ್ಜಿ ಸೀರೆಲಿ ಹೊಲ್ಸಿದ್ ಎಂತ ಕುಷಿ ನೆನಪಾದರೆ..ಆಮೇಲೆ ದೇವಸ್ಥಾನ ಹೋಗಿ ವಾವ್!! ಅದೆಲ್ಲ ಈಗ ಬರೀ ನೆನಪಾಗಿ ಇದೆ ಅಷ್ಟೇ😕.. ಈಗ ನಾವೇ ಎದ್ದು ಸ್ನಾನ ಮಾಡಿ ಒಟ್ರಾಶಿ ತಲೆ ಬಾಚ್ಕೊಂಡ್, ಬೇವು ಬೆಲ್ಲ ತಯಾರಿಸಿ, ದೇವಸ್ಥಾನ ಹೋಗ್ ಬಂದು , ಎಲ್ಲರ್ಗು ಬೇವು ಬೆಲ್ಲ ಕೊಟ್ಟು”ಬೇವು ಬೆಲ್ಲ ತಿಂದು ಒಳ್ಳೆ ಮಾತಾಡಿ”ಅನ್ನದು.. ಹಾಗಾದ್ರೆ ಬೇವು ಬೆಲ್ಲದ ಮೂಲಕ ಈ ಜೀವನದಲ್ಲಿ ಬೇವಿನ್ ತರ ಕಹಿ ಘಟನೆಗಳು, ಕಷ್ಟಗಳು ಇದ್ದೆ ಇರುತ್ತೆ, ಅಷ್ಟಕ್ಕೇ ಬೇಜಾರ 😁 ಅದ್ರು ಜೊತೇನೆ ಬೆಲ್ಲದ ತರ ಖುಷಿ, ನೆಮ್ಮದಿ, ಸುಖ, ಸಿಹಿ ನೆನಪುಗಳು ಇರ್ತಾವೆ ಅಲ್ವಾ 😁 ನಗ್ರಿ ಹಾಗಾದ್ರೆ ನಗ್ತಾ ಇರಿ… ಕಷ್ಟ ಬಂದಾಗ ಕುಗ್ದೆ ಸುಖ ಬಂದಾಗ ಹಿಗ್ದೆ ಕಷ್ಟ, ಸುಖ ಎರಡನ್ನೂ balance ಮಾಡ್ತಾ ನಗ್ತಾ ಇರಿ ನಗುಸ್ತ ಇರಿ 🪄.

ಒಹ್ ದೇವಸ್ಥಾನ ಇಂದ ಬಂದ್ದ್ಮೆಲ್ ಏನ್ ಮಾಡದು ಹೇಳಿಲ್ಲ ಅಲ್ವಾ? ಇದೆ ಅಲ್ವಾ snap, photos, ಅಯ್ಯೋ insta reels ಮಾಡಿ ಯುಗಾದಿ ನ ಧಾಮ್ ಧೂಮ್ ಅಂತ celebreate ಮಾಡಣ..

ಹೊಸ ವರ್ಷದ ಪ್ರಯುಕ್ತ ನಿಮ್ಮೆಲ್ಲಾ “ಹಳೆಯ ಕಹಿ ನೆನಪು , ತಪ್ಪು ತಿಳುವಳಿಕೆ, ನೋವು, ಕೋಪ, ಪಶ್ಚಾತಾಪ, ಭಯ, ತಿರಸ್ಕಾರ, ಸೋಲು, ಶತ್ರುತ್ವ, ತಪ್ಪುಗಳು, negative feelings, ಇದೆಲ್ಲ account ನ close ಮಾಡಿ “ಪ್ರೀತಿ, ನಂಬಿಕೆ, ಸಾಧನೆ, positive attitude, ಖುಷಿ ಎಂಬ account ನ open ಮಾಡಿ..

” ಯುಗಾದಿ ಹಬ್ಬದ ಹಾರ್ದಿಕ ಶುಭಾಶಯಗಳು.🪄. ಬೇವು ಬೆಲ್ಲ ತಿಂದು ಒಳ್ಳೆ ಮಾತಾಡಿ. ಹಳೆಯ ಕಹಿ ನೆನಪನ್ನ ಮರ್ತು ಖುಷಿಯಾಗಿರಿ”. ♥️.. ನಗ್ತಾ ಇರಿ ನಗುಸ್ತಾ ಇರಿ 🪄..

ಮಧುಶ್ರಿ,

ದ್ವೀತಿಯ ಬಿ ಎ ,  ವಿಧ್ಯಾರ್ಥಿನಿ

ಕಟೀಲ್ ಅಶೋಕ್ ಪೈ ಸ್ಮಾರಕ ಕಾಲೇಜು, ಶಿವಮೊಗ್ಗ