ಮಕ್ಕಳು ಆರೋಗ್ಯವಾಗಿರಬೇಕಾದರೆ ನಿದ್ದೆ ಮುಖ್ಯ. ಇದನ್ನು ‘ಹೆಲ್ತಿ ಸ್ಲಿಪ್’ ಎಂದು ಕರೆಯಲಾಗುತ್ತದೆ. ಮಕ್ಕಳು ಎಷ್ಟು ಹೊತ್ತು ನಿದ್ದೆ ಮಾಡ್ತಾರೆ ಎನ್ನುವುದು ಗಮನಿಸಬೇಕು. ಈ ನಿದ್ದೆಯೂ ಗುಣಮಟ್ಟದಿಂದ ಕೂಡಿರಬೇಕು (Good quality ship), ಮಲಗುವ ಕೊಠಡಿಯಲ್ಲಿ ಕತ್ತಲು ಇರಬೇಕು. ಜಾಗ ಹಿತವಾಗಿರಬೇಕು, ಶಬ್ದರಹಿತವಾಗಿರಬೇಕು. ಒಂದೇ ಸಮಯದಲ್ಲಿ ಮಲಗಿ, ದಿನಾ ಅದೇ ಸಮಯಕ್ಕೆ ಏಳುವುದು ಕೂಡ ಆರೋಗ್ಯಕ್ಕೆ ಒಳ್ಳೆಯದು.

3. ಕೊರೋನ ಹಾವಳಿ ಶುರುವಾದಾಗಿನಿಂದ ಮಕ್ಕಳು ಖಿನ್ನತೆ, ಏಕಾಗ್ರತೆ ಕೊರತೆ ಮುಂತಾದ ಮಾನಸಿಕ ಸಮಸ್ಯೆ ಎದುರಿಸುತ್ತಿದ್ದಾರೆ. ಇದಕ್ಕೆ ನಿದ್ದೆಯೂ ಪ್ರಮುಖ ಕಾರಣವಲ್ಲವೇ?

ಖಂಡಿತ,  ಕೊರೋನ ಶುರುವಾದಾಗಿನಿಂದ ಮಕ್ಕಳು ಅನಿವಾರ್ಯವಾಗಿ    ಆನ್ಲೈನ್ ಕ್ಲಾಸ್ ಗೆ ಹೊಂದಿಕೊಳ್ಳಬೇಕಾಯಿತು, ಸ್ಮಾರ್ಟ್‌ಫೋನ್‌, ಲ್ಯಾಪ್‌ಟಾಪ್ ಬಳಕೆ ಹೆಚ್ಚಾಯಿತು. ಇದರಿಂದ ಮಕ್ಕಳು ಖಿನ್ನತೆ ಜಾರಿದ ಉದಾಹರಣೆಗಳಿವೆ.

ಮುಖ್ಯವಾಗಿ ಅಗತ್ಯವಿರುವಷ್ಟು ಗ್ಯಾಜೆಟ್ ಬಳಕೆ ಆದ ಮೇಲೆ ಅದರಿಂದ ದೂರವಿರುವುದು ಲೇಸು.  ಬಳಕೆ ಆದ ಮೇಲೆ ಗ್ಯಾಜೆಟ್ ಇಟ್ಟುಕೊಂಡು ಮಲಗಲೇಬಾರದು. ಚಾಟ್, ಗೇಮ್, ವಿಡಿಯೊ ನೋಡುವುದರಿಂದ ಮಕ್ಕಳ, ನಿದ್ದೆಯ ಸಮಯ ಕಡಿಮೆ ಆಗುತ್ತದೆ. ನಿದ್ದೆಯ ಕ್ವಾಲಿಟಿ ಕಡಿಮೆ ಆಗುತ್ತದೆ. ಇದರಿಂದ ನಿದ್ದೆಯಿಂದಾಗುವ ಒಳ್ಳೆಯ ಅಂಶಗಳೆಲ್ಲ ಹಾಳಾಗುತ್ತದೆ. ಮಲಗುವುದಕ್ಕಿಂತ ಎರಡು ಗಂಟೆ ಮೊದಲು ಎಲೆಕ್ಟ್ರಾನಿಕ್ ಗ್ಯಾಜೆಟ್ ನೋಡಲೇಬಾರದು.

ಯಾವ ವಯಸ್ಸಿಗೆ ಎಷ್ಟು ನಿದ್ದೆ ಬೇಕು?

ಆರೋಗ್ಯಕ್ಕೆ ನಿದ್ದೆ ಬಹಳ ಮುಖ್ಯ. ‘ಅಮೆರಿಕನ್ ಅಸೋಸಿಯೇಷನ್ ಆಫ್ ಪೀಡಿಯಾಟ್ರಿಕ್ಸ್’ ಸಂಸ್ಥೆ, ಯಾವ ವಯಸ್ಸಿನವರಿಗೆ ಎಷ್ಟು ನಿದ್ದೆ ಎನ್ನುವುದನ್ನು ಪಟ್ಟಿ ಮಾಡಿದೆ.

• ನವಜಾತ ಶಿಶುಗಳಿಗೆ ದಿನಕ್ಕೆ 16 ಗಂಟೆ.
• 1-2 ವರ್ಷದ ಮಕ್ಕಳಿಗೆ 11 ರಿಂದ 14 ಗಂಟೆ.
• 3-5 ವರ್ಷದ ಮಕ್ಕಳಿಗೆ 10 ರಿಂದ 13 ಗಂಟೆ.
• 6-12 ವರ್ಷದ ಮಕ್ಕಳಿಗೆ 9 ರಿಂದ 12 ಗಂಟೆ.
• 13-18 ವರ್ಷದ ಹದಿಹರೆಯದವರಿಗೆ 8 ರಿಂದ 10 ಗಂಟೆ.
• 20 ರಿಂದ 22 ವರ್ಷದ ಆಸುಪಾಸಿನವರಿಗೆ 7 ರಿಂದ 8 ಗಂಟೆ.
• ವಯಸ್ಕರಿಗೆ ಹಾಗೂ ಎಲ್ಲರಿಗೆ ಸಾಮಾನ್ಯವಾಗಿ 6 ರಿಂದ 7 ಗಂಟೆ ನಿದ್ದೆ ಅವಶ್ಯಕ.

ಡಾ. ಪ್ರೀತಿ ಶ್ಯಾನಭಾಗ್ 

ಮನೋವೈದ್ಯ, ಶಿವಮೊಗ್ಗ

ಕೃಪೆ: ಈ ಮೂಲ ಲೇಖನ ಸುಧಾ ವಾರತ್ರಿಕೆಯ 2022 ರ ಫೆಬ್ರವರಿ ತಿಂಗಳ 2 ನೆ ಸಂಚಿಕೆಯಲ್ಲಿ  ಮೂಡಿಬಂದಿದೆ.